Архайдтой дзы профилон министрадты æмæ ведомствæты разамонджытæ, муниципалон скондты сæргълæуджытæ
Бирæфатерон хæдзæртты бындурон цалцæджы регионалон программæ æххæст кæныны фарстатыл ныхас цыди хицауады æмбырды. Архайдтой дзы профилон министрадты æмæ ведомствæты разамонджытæ, муниципалон скондты сæргълæуджытæ. 2014-æм 2024-æм азмæ цалцæггонд æрцыди 346 бирæфатерон хæдзары. Фæхуыздæр кодтой 50 мин адæймаджы царды уавæртæ. Ацы аз нысангонд у 75 бирæфатерон хæдзары бындуронæй рацаразын. Æнæрлæугæйæ куыст цæуы лифтты кусынгæрзтæ аивыныл. 102 лифтæй ныридæгæн ивд æрцыд 95. Æмбырды куыд фæнысан кодтой, афтæмæй хæдзæртты хицæутты рдыгæй хуыздæр æмбырдгонд цæуынц бындурон цалцæгæн фиддонтæ дæр. Дзанайты Барис фæсидт дзуаппдæттæг оргæнтæм, цæмæй се ргом æрдарой куыстыты хæрзхъæддзинадмæ æмæ фиддонтæ æмбырд кæныны хъуыддагмæ. Уымæй уæлдай, æрлæууыди разамынддæттæг компаниты мадзæлтты активондæрæй архайыныл фарстатыл.
