Ацы æмæ æндæр фарстатыл ныхас цыди аппаратон æмбырды
1200 уæзласæн машинæйы сæ радмæ æнхъæлмæ кæсынц уæрæсейаг-гуырдзиаг арæнты сæрты ахизынмæ. Уыдонæй 780 лæууынц сæрмагонд æрлæууæнты. Ацы æмæ æндæр фарстатыл ныхас цыди аппаратон æмбырды. Æрдзырдтой Цæгат Ирыстоны эпидемиологон уавæрыл дæр. Фæлхасадмæ цæстдарды республикон управленийы бæрæггæнæнтæм гæсгæ, ивгъуыд къуыри хæцгæ низты æмвæзад уыди рæстæмбис. Сергей Меняйло се ппæт профилон ведомствæтæн бахæс кодта, æрæджы горæты ресторантæй иуы цы хылтæ æрцыди, уыдоны фæстæ адæм бирæ кæм æмбырд кæны, ахæм бынæтты æдасдзинады мадзæлттæ фæкарздæр кæнын. Республикæйы Сæргълæууæджы уагæвæрдтæй иу баст уыди Уæллаг Фыййагдоны пульмонологон центримæ. Сергей Меняйло куыд загъта, афтæмæй бæстыхайæн хъæуы экспертизæ скæнын æмæ йын йæ аварион уавæрæн аргъ скæнын, стæй рынчынтæн дæр исты æрхъуыды кæнын.
