филиал вгтрк государственная телерадиовещательная компания “Алания”

Паддзахадон хæрзиуджытæ. Цæгат Ирыстоны социалон æмæ гуманитарон иртæстыты институты арæзт æрцыд кадджын мадзал. Баст уыд Фыдыбæстæйы Стыр хæсты Уæлахизы 80 азы бонимæ. Уæрæсейы Федерацийы хъахъхъæнынады Министрады юбилейон майдантæ лæвæрд æрцыдысты Дзæуджыхъæуы раздæры мэр, горæты кадджын гражданины номхæссæг Михаил Шаталовæн, стæй культурæйы сгуыхт кусæг, Ирыстоны адæмон поэт Дзасохты Музаферæн. Ацы хæрзиуджытæ сты – республикæйы кадæн бирæ азты æнæзæрдæхудт фæллойы хатдзæг. Кадджын æмбырды архайдтой институты кусджытæ, ветеранты советы уæнгтæ, æхсæнадон организациты æмæ интеллигенцийы минæвæрттæ. Зæгъдзыстæм ма уый дæр, æмæ мадзал саразыныл бакуыста Цæгат Ирыстоны хистæрты Совет.