Ууыл ныхас цыди æрвылкъуырион аппаратон æмбырды
Цæгат Ирыстоны ахуыргæнæндæтты фæзынди патриотон хъомылады фарстаты фæдыл æххуысгæнæджы куысты бынат. Ууыл ныхас цыди æрвылкъуырион аппаратон æмбырды. Республикæйы сæргълæууæг Сергей Меняйло бахæс кодта, проект æрмæст скъолаты нæ, фæлæ уæлдæр ахуыргæнæндæтты дæр бафæлварын. Куыд фæнысан кодтой, афтæмæй цæмæй фæсивæды хсæн патриотон хъомылад парахат кæна, уый тыххæй кусын хъæуы сæрмагонд æфсæддон операцийы архайджытимæ иумæ. Æмбырды ныхас цыди республикæйы эпидемиологон уавæрыл дæр. Дыккаг къуыри гриппы бæрæггæнæнтæ сты цы æмбæлы, уымæй 18% фылдæр. Фæлхасадмæ цæстдарды управленийы куыд зæгъынц, афтæмæй дохтыртæм æххуысагур чи цæуы, уыдоны 70% сты сывæллæттæ. 21 рæвдауæндоны æмæ 11 скъолайы сты æхгæд. Аппаратон æмбырды ныхас цыди Ног азы бæрæгбæтты рæстæг адæмы æдасдзинадыл дæр. Уымæй уæлдай, Сергей Меняйло аварион службæтæн, æххæстгæнæн æмæ бынæттон администрациты оргæнтæн бахæс кодта, фæлладуадзæн бонты æнæкъуылымпы куысты фæткыл бакусын.
