Уæвгæ, цалынмæ проекттæ «Земский доктор» æмæ «Земский фельдшер» æххæстгонд цæуынц, уæдмæ дзы бацархайдтой 300 медицинон кусæджы онг
Ацы аз, программæ «Земский доктор»-ы фæлгæты, нæ республикæйы куысты бынæттæ ссардзысты 13 дохтыры. Уæвгæ, цалынмæ проекттæ «Земский доктор» æмæ «Земский фельдшер» æххæстгонд цæуынц, уæдмæ дзы бацархайдтой 300 медицинон кусæджы онг, – фехъусын кодта Цæгат Ирыстоны сæргълæууæг Сергей Меняйло. Дохтыртæ исынц разæнгардгæнæн фиддон 1 милуан сомы бæрц. Астæуккаг къорды кусджытæ та – фæйнæ 500 мин сомы. Зæгъын ма хъæуы уый, æмæ программæйы нæй кармæ гæсгæ домæнтæ. Конкурсон æвзæрсты архайыны бар ис куыд фæлтæрдджын медицинон кусджытæн, афтæ æрыгон специалисттæн дæр. Контракты сæйраг домæн – хъæуккаг медицинон объекты 5 азы бакусын. Фæлæ практикæ куыд æвдисы, афтæмæй медицинон кусджытæн сæ фылдæр сæ куысты бынæтты баззайынц нысангонд æмгуыды фæстæ дæр.
