Æнæниздзинадхъахъхъæнынады фыццаг къæпхæны модернизацийы куыстытæ æххæстгонд цæудзысты национ проект «Дæргъвæтин æмæ активон цард»-мæ гæсгæ
8 ног медицинон пункты фæзындзæн Цæгат Ирыстоны ацы аз. Æнæниздзинадхъахъхъæнынады фыццаг къæпхæны модернизацийы куыстытæ æххæстгонд цæудзысты национ проект «Дæргъвæтин æмæ активон цард»-мæ гæсгæ. Республикæйы профилон министрады куыд хъусын кæнынц, афтæмæй модулон фельдшерон-акушерон пункттæ фæзындзæн Уæллаг Ларсы æмæ Эзмийы. Сног ма кæндзысты амбулаторитæ Павлодольскæйы, Терскæйы, Троицкæйы, Уæллаг Фыййагдоны, Дачнæйы æмæ Спутникы поселочы. Уымæй дарддæр ма бындуронæй цалцæггонд æрцæудзысты 3 объекты – Хæзныдоны амбулатори, Дзæуджыхъæуы 1-æм поликлиникæйы филиал Заводскойы æмæ 4-æм поликлиникæйы сылгоймæгты консультаци. Фарон национ проектмæ гæсгæ бындуронæй базылдысты сывæллæтты 1-æм æмæ 2-æм поликлиникæтæм, стæй горæты 4-æм поликлиникæйы филиалмæ.
