Республикæйы клиникон рынчындоны фæзынд ног кусæнгæрзтæ
Цæгат Ирыстоны цæрджыты бон у нырыккон технологитæм гæсгæ медицинон æххуыс райсын. Республикæйы клиникон рынчындоны фæзынд ног кусæнгæрзтæ. Уыдоны фæрцы операцитæ конд цæуынц тагъддæр æмæ пациентæн вæййы æнцондæр. Нырыккон комплекс зынгæ фæрогдæр кодта специалистты архайд. Ногдзинады тыххæй бæстондæр радзурдзæн Чехойты Фатимæ.
Дæс боны рацыд операцийы фæстæ, фæлæ йæ хатдзæг, куыд фæзæгъынц, рынчын хорз хъусы. Гобеты Валерий бирæ азты уыд уæзхъус. Уыцы низ ын йæ цард къуылымпы кæй кодта, уымæ гæсгæ нæлгоймаг сфæнд кодта операци скæнын. Ныртæккæ йын, нырыккон эндоскопон кусæнгарзæй цы процедурæ скодтой, уый фæстæ цæуы реабилитаци.
Республикон клиникон рынчындоны ног кусæнгæрзтæ фæзындысты афæдз æмæ *рдæджы размæ. Уыдоны руаджы рынчынты федералон центртæм нал *рвитынц, раздæрау, сæхæдæг скæнынц æппæты зындæр операцитæ. Нырыккон технологон æххуысы руаджы сдзæбæх кæнынц хъусты, хъуырты æмæ фындзы иугæндзон низтæ. Цы рæстæг сын бахъæуы, уый та сси æнцонвадатдæр куыд пациенттæн, афтæ дохтыртæн дæр.
Дохтыримæ разы у Гуæцæлты Владимир. Нæлгоймаг кæд нырма ныр рацыд операцитæгæнæн агъуыстæй, уæддæр йæхи хорз æнкъары. 20 минуты дæргъæн процедурæ, æмæ йæ бирæ азты цы низ тыхсын кодта, уымæй фæд дæр нал баззад. Йæ фындзæй райдыдта хорз улæфын. Æрмæстдæр ма йæ хъæуы реабилитаци ацæуын. Нæлгоймаг улæфын хорз нæ фæрæзта, йæ 77 азмæ йæ йе *нæниздзинад æндæр ницæмæй тыхсын кодта. Дохтыртæм нæ цыд, цалынмæ низ не стыхджын, уæдмæ.
Эндоскопон кусæнгарзæй республикон клиникон рынчындоны хъусты, хъуырты æмæ фындзы низты дзæбæхгæнæн хайады пайда кæнынц фæстаг æхсæз мæйы. Уыцы рæстæгмæ скодтой 15 мин операцийæ фылдæр. Специалисттæ афæдзы дæргъы архайдтой сæрмагонд ахуырты, ныртæккæ дæр ма зонгæ кæнынц æндæр дохтырты фæлтæрддзинадимæ.
Медицинæ у нырыккон кусæнгæрзтæ аразыны фарсты тагъд рæзгæ къабаз. Семæ фæзынынц дзæбæх кæныны ног методтæ дæр. Специалисттæ сæ сæ куысты цас рæвдздæрæй спайда кæнынц, уыйас рынчынтæн тагъддæр æмæ хæрзхъæддæрæй ацæуы дзæбæх кæныны рæстæг. Дохтыртæ, уый хынцгæйæ, æнтыстджынæй скæнынц ахæм операцитæ. Уыдоны фæстæ пациенттæ райдайынц куыд æмбæлы, афтæ хъусын æмæ улæфын.
