Егъау хъæппæрис баиу кодта дæсгай регионтæ
Нæ бæстæйы арæзт æрцыд æппæтуæрæсеон акци «Донорты рекорд». Егъау хъæппæрис баиу кодта дæсгай регионтæ. Кæй зæгъын æй хъæуы, Цæгат Ирыстон уыд фыццæгты хсæн. Тугдæттæн станцæмæ æрбацыд 100 адæймагмæ хæстæг. Уыимæ алы кары æмæ алы дæсныйадыл хæст, куыд кадджын донортæ, афтæ фыццаг хатт чи рбацыд, ахæмтæ дæр. Дæсгай бархионты бафæндыд ацы бон æрбацæуын, æмæ се ххуысы хай балæвар кæнын. Туг раттыны фæстæ, пациентмæ æвæстиатæй нæ бахæццæ вæййы. Раздæр уал æм æркæсынц лабораторийы. Специалисттæ сбæрæг кæнынц туджы къорд æмæ резус-фактор, стæй инфекцитæ ис, æви нæ, уый. æрмæст уый фæстæ биологон æрмæг бахæццæ вæййы дохтыртæм. Туджы банк баххæст кæнын æххуыс кæнынц цæугæ бригадтæ дæр. Мобилон пункт иу бонмæ балæггад кæны 30 донорæн. Акци «Донорты рекорд» ма иу хатт равдыста, куыд ахсджиаг у хæрзаудæн куыст кæнын, уый.
