филиал вгтрк государственная телерадиовещательная компания “Алания”

Хицауады сæрдар Дзанайты Барисы разамындæй ацыд  спорты къабазы фарстаты фæдыл æмбырд. Сæйраг темæтæ — спортивон организациты куыст, инфраструктурæйы райрæзт, æнæниз царды уаг парахат кæнынæн уавæртæ аразын. Премьер куыд фæнысан кодта, афæмæй, ахæм куыстуæтты райрæзт æмæ цæрджыты алы категоритæн спортæй архайынæн фадат дæттын у регионы сæргълæууæджы фыццаградон хæстæй иу. Цæгат Ирыстоны спортивон куыстуæтты материалон-техникон бындур фæфидар кæнынæн, уыимæ олимпаг резервы скъолайы æмæ спортивон организацитæн æххуыс кæнынæн ацы аз дихгонд æрцыди 20 милуан сомы бæрц.