21 июля 2026, 13:44
Мæздæджы районы арæзт æрцыд медицинон мадзал «Диабеты скъола»
Ахæм программæтæ кусынц республикæйы районты медицинон куыстуæтты
Мæздæджы районы арæзт æрцыд медицинон мадзал «Диабеты скъола». Ахæм программæтæ кусынц республикæйы районты медицинон куыстуæтты. Лекцитæ кæсынц бынæттон эндокринологтæ стæй республикæйы эндокринологон диспансеры æндæр специалисттæ æмæ дохтыртæ. Медицинон кусæг Ирина Давыдова йемæ æрбаласта авторон презентаци æмæ Мæздæджы районы сæкæрнизæй рынчын сывæллæттæн бæлвырд дæнцæгыл равдыста, цы æвзæр фæстиуджытæ вæййынц ацы низы фæстæ, уый. Стыр æргом аздæхта низ дзæбæх кæныны мадзæлттæм. Сæйраг нысан у — адæмæн бамбарын кæнын, ахæм низы ныхмæ тох кæнæн кæй ис, уый.
