Медицинон кусджытæ ацы бæрæггæнæнтæ нымайынц хорзыл
Ацы азы райдианæй Рахизфарсы районы диспансеризаци ацыдысты 12 мин адæймаджы онг. Медицинон кусджытæ ацы бæрæггæнæнтæ нымайынц хорзыл. Специалисттæ се ппæты зæрдыл лæууын кæнынц – диспансеризаци фадат дæтты цыфæнды низ дæр рагагъоммæ рабæрæг кæнынæн, æмæ йæ æнæ фæстиуджытæй сдзæбæх кæнынæн. Фыццаг къæпхæн ацæуæн ис иу бонмæ. Бæлвырддæр радзурдзæн Чехойты Фатимæ.
Диспансеризацийы фыццаг къæпхæн – æнæниздзинады уавæр сбæрæг кæнын. Адæймаг ратты дзуæппытæ анкетæйы фæрстытæн, сбарынц ын йæ туджы *лхъывдад, йæ ас æмæ уæз. Уый фæстæ скæнынц электрокардиограммæ, туджы иумæйаг анализ, сбæрæг кæнынц сæкæр æмæ холестерин. Уыдонмæ, пациенты кармæ гæсгæ, бафтауынц скрининджы иртæстытæ рагацау сбæрæг кæнынæн, зæгъæм, онкологон низтæ.
Диспансеризаци арæзт цæуы хистæр кары цæрджытæн. 18 азæй 39 азы онг кæуыл цæуы, уыцы адæм æй хъуамæ ацæуой 3 азмæ иу хатт, 40 азæй фылдæр кæуыл цæуы, уыдон та – æрвылаз. Дохтыртæй уæлдай цæстдард цæуы зæрдæйы æмæ онкологон низтæй рынчынтæм. Диспансеризаци æххуыс у низ рагацау рабæрæг кæнынæн.
Фыццаг къæпхæн ацæуæн ис иу бонмæ. Фæлæ дохтыры зæрдæ куы фехсайы, уæд пациент скæны дыккаг къæпхæны уæлæмхасæн иртæстытæ, райсы профилон специалисттæй консультацитæ.
Рахизфарсы районы афæдзы райдианæй диспансеризаци ацыдысты 12 мин адæймаджы. Медицинон кусджытæ уый нымайынц хорз бæрæггæнæныл. Специалисттæ æмзонд сты, диспансеризаци низ рагацау раиртасынæн æмæ афойнадыл дзæбæхгæнæн процедурæ скæнынæн хъæугæ мадзал кæй у, уыимæ.
