Уæдæ аивтой дзæбæх кæныны мадзæлттæ дæр
Нæ республикæйы фæхуыздæр тарнизимæ уавæр. 10 азмæ рынчынты нымæц фæкъаддæр дыууæ хатты. Уæдæ аивтой дзæбæх кæныны мадзæлттæ дæр. Пациентты иу хайæн фадат ис сæхи хæдзары дзæбæх кæнынæн. Стационары уæвын сæ æппынæдзух нæ хъæуы, фæлæ сæм дохтырты рдыгæй цæуы бæстон цæстдард. Куыд аивта низ дзæбæх кæныны фæтк, уый тыххæй радзурдзæн Чехойты Фатимæ.
Цалдæр азы размæ дæр ма ам уыдис бирæ фылдæр рынчынтæ. Ныр уавæр у æндæрхуызон: пациентты нымæц фæкъаддæр, аивтой низимæ тох кæныны мадзæлттæ дæр: фæзынд фадат иуæй-иу рынчынты сæ хæдзæртты дзæбæх кæнынæн, уыдон æнæ дохтырты цæстдардæй нæ баззайынц – райсынц терапийæ видеоцæстдарды системæйы фæрцы.
Хæдзары хи дзæбæх кæнын низимæ лæгæй лæгмæ баззайын нæ амоны. Рынчын спайда кæны дохтыримæ видеобастдзинадæй. Дзæбæх кæныны рæстæг арæзт у, стационары куыд у, ахæм фæткмæ гæсгæ. æрмæст рынчындоны палатæйы бæсты – хи хæдзар. Дзæбæх кæныны ахæм хуыз у æнцонвадатдæр, фæлæ йæ домæнтæ сты карз. Экраныл фæзынынц рынчынтæ, сæ тарнизы хуыз алыварс адæмыл бахæцынæн тæссаг кæмæй нæу, ахæмтæ. Алчидæр сæ хъуамæ бануаза хостæ, дохтыр сæ куыд уына, афтæ. Ахæм системæ у центры куысты ивдзинæдты хай. 10 азмæ тарнизæй рынчынты нымæц республикæйы фæкъаддæр 2 хатты. æвæрццæг динамикæ бæрæг дары сывæллæтты *хсæн дæр – бæрæггæнæнтæ ам фæкъаддæр сты цалдæр хатты.
Ивы рынчындон дæр. Боныгон стационар, амбулатори æмæ дзæбæх кæнæны дистацион хуыз дзуапп дæттынц нырыккон домæнтæн. æмæ кæд æххуысы хуызмæ хаст æрцыдысты ивддзинæдтæ, уæддæр медицинон кусджыты нымæц нæ фæкъаддæр.
Низ цас раздæр бæрæггонд æрцæуа, уыйас къаддæр апарахат уыдзæн. Уый тыххæй стыр нысаниуæг ис йæ профилактикæйæн: медицинон иртæстытæ æххуыс сты низ рагацау рабæрæг кæнынæн.
Медицинон кусджытæ архайынц, цæмæй республикæйы хорз бæрæггæнæнтæ ныффидар уой, ууыл. Уый тыххæй ахсджиаг у низ афойнадыл раиртасын, дзæбæх кæныны процедурæтæ кæронмæ æххæст кæнын æмæ профилактикон мадзæлтты архайын.
