Куыстытæ цæуынц, национ проект «Бинонтæ» æххæст кæнгæйæ
Октябрьскæйы дарддæр цæуы бынæттон культурæйы Галуаны бындурон цалцæг. Куыстытæ цæуынц, национ проект «Бинонтæ» æххæст кæнгæйæ. Ныридæгæн баивтой бæстыхайы сæр, вентилляци, инженерон коммуникацитæ æмæ рудзгуытæ. Ныртæккæ та специалисттæ кæнынц авигæнæн куыстытæ. Объект бабæрæг кодта не сфæлдыстадон къорд, æмæ бæлвырддæр радзурдзæн Хъайтмазты Дзерассæ.
Алы ахуыры аз дæр-иу ацы кусæнуаты райдыдта иухуызон. Октябрьскæйы районы культурæйы галуаны кусджытæ бæстыхай хи хъарутæй цалцæг кодтой. Уый фæрцы галуанмæ зылд уыдис, фæлæ бирæ азты лыггæнинаг фарстатæ нæ иуварс кодтой. 1982-æм азы бæстыхай хъуыд бæстонæй ног кæнын. Риссагдæр фарстатæй иу уыд хъармгæнæн системæ. Директоры ныхæстæм гæсгæ, культурæйы галуаны æдзухдæр уыд уазал, хъарм æй кодтой сæхæдæг. Ацы æмæ бирæ æндæр фарстатæ лыг кæнын райдыдтой фарон бындурон цалцæгмæ гæсгæ.
Пъадвалы сног кæндзысты вентиляцион системæ æмæ хæтæлтæ, сæвæрдзысты ма гидроизоляцион уæлцъар. 2-уæладзыгон бæстыхайы специалисттæ ныридæгæн баивтой инженерон коммуникацитæ, бæстыхайы сæр æмæ рудзгуытæ. Ныртæккæ кусынц агъуыстыты, æвæрынц плиткæ. Азы кæронмæ сæвæрдзысты дуæрттæ æмæ базилдзысты къултæм.
Культурæйы галуаны ис 18 сфæлдыстадон къорды. Ам архайы 300 сывæллонæй фылдæр. Цалцæджы рæстæгмæ сæ раивтой æндæр кусæнуаттæм. Ахуырадон процесс не рлæууыд.
Пъланмæ гæсгæ куыстытæ фæуыдзысты иннæ аз. Бындурон цалцæг æххæстгонд цæуы национ проект «Бинонтæ»-м гæсгæ.
