филиал вгтрк государственная телерадиовещательная компания “Алания”

11:56 среда, 18 ноября 2026
07 ноября 2026, 10:11
Цæгат Кавказы арæзтадон техникумы куыст цæуы студентон футбол рапарахат кæныныл æмæ хи командæ саразыныл

Фыццаг æвзæрст зындгонд тренер Гогниты Спартакы разамындæй сæмбырд кодта, сæйраг къордмæ бацæуыныл чи архайдзæн, ахæм 50 студенты

Цæгат Кавказы арæзтадон техникумы куыст цæуы студентон футбол рапарахат кæныныл æмæ хи командæ саразыныл. Фыццаг æвзæрст зындгонд тренер Гогниты Спартакы разамындæй сæмбырд кодта, сæйраг къордмæ бацæуыныл чи архайдзæн, ахæм 50 студенты. Ног сезоны командæ «Стройтех» фæнд кæны республикæйы чемпионаты йæхи æмбæлгæ хуызы равдисын. Бæстондæр хабæрттæ радзурдзæн Чехойты Фатимæ.

Пащенко Астемирæн футбол ног хъуыддаг нæу. Цæгат Кавказы арæзтадон техникумы 1-æм курсы студент цæуы футболон скъоламæ, ныр та сфæнд кодта йæхи ног командæйы бафæлварын. Тренировкæтæ зындгонд тренеры разамындæй йæ уæлдай тынгдæр разæнгард кæнынц.

Командæ «Стройтех» саразыны хъæппæрис цымыдисаг у студенттæн. Бирæтæ сæ фæнд кæнынц йæ уæнг суæвын. Фыццаг тренировкæмæ æрбацыдысты 50 адæймагмæ хæстæг. Се *хсæн — фæлтæрддзинад кæмæ ис, ахæмтæ, стæй раздæр æндæр спорты хуызтæй чи архайдта, ахæм лæппутæ. Ныртæккæ тренерон штабы хæс у архайджыты физикон цæттæдзинад, хъомыс æмæ хъазты фæлтæрдтæ сбæрæг кæнын. 2 къуыримæ сæйраг командæ арæзт æрцæудзæн 15 студентæй. Студентон футболон командæйы фæзындзæн Цæгат Ирыстоны арæзтады æмæ архитектурæйы министрады æххуысæй. Сæйраг хæс у æрмæст коллектив сæмбырд кæнын нæ, фæлæ йын йæ уæнгты ног сезоны республикæйы чемпионаты архайынмæ бацæттæ кæнын. Ууыл кусы зындгонд футболон тренер Гогниты Спартак. Уымæн ацы куыст у фадат йæ фæлтæрддзинад æрыгон спорсментæн равдисын æмæ *вæрæн бахæссын футболы рæзтмæ. Æвзарæн тренировкæтæ цæуынц техникумы спортивон залы. Командæ арæзт куы *рцæуа, уæд та сæ æххæст кæндзысты спортивон скъола «Юность»-ы футболон фæзты.

Фидæны студенттæ зонгæ кæндзысты футболон тактикæимæ, кусдзысты сæ техникæйыл æмæ сæ индивидуалон миниуджытыл.  Фæсивæды спортмæ æмхиц кæнын æмæ сæ командæимæ кусын ахуыр кæнын  — уый дæр проекты иннæ хæстæй къаддæр ахсджиаг нæу.

vgtrk_alania
vgtrk_alania
vgtrk_alania
vgtrk_alania