филиал вгтрк государственная телерадиовещательная компания “Алания”

05:03 четверг, 19 ноября 2026
14 ноября 2026, 10:15
Ирыстоны культурон историйы хай кæй ном сси, уыцы нывгæнæджы райгуырды 145 азы бон

Дзæуджыхъæуы Аивадон музейы байгом юбилеон равдыст «Махарбек Туганов. Сады его жизни»

Ирыстоны культурон историйы хай кæй ном сси, уыцы нывгæнæджы райгуырды 145 азы бон. Дзæуджыхъæуы Аивадон музейы байгом юбилеон равдыст «Махарбек Туганов. Сады его жизни». Проект баиу кодта нывкæнынад, графикæ, нывгæнæджы архив æмæ Дур-Дуры йæ фыдыуæзæджы истори. Экспозици æрмæст ирон классикы аивад не *вдисы, фæлæ цардмæ здахы Тугъанты зындгонд фæткъуы бæлæстæ. Бæстондæр хабæрттæ радзурдзæн Чехойты Фатимæ.

«Хуызистмæ гæсгæ раст ныв арæх нæ цæстæн, нæ зæрдæйæн ницы фæамоны, æцæгдзинад вæййы ног æнкъарæнтæй цы  æрмдзæф рауайы, уым».  Ацы принцип Тугъанты Махарбег никуы рох кодта. Райгуырд Пабло Пикассоимæ иу аз. Кæд сæ иу æцæгдзинад равдисыныл куыста Парижы, уæд иннæ та йе *ргом здæхт уыдис йæ райгуырæн Ирыстонмæ.

Дур-Дуры, музейы филиал чи сси, Тугъанты уыцы хæдзары кæддæр задысты  фæткъуы бæлæстæ — нывгæнæджы уарзон хуыз антоновка-фунтовка. Ныр мысинæгтæм гæсгæ, йæ ном цы Аивадон музей хæссы, уымæ сæвзæрд хъæппæрис нывгæнæджы райгуырæн хъæуы сног кæнын историон дыргъдон. Студенттæ-архитектортæ бацæттæ кодтой проект, Эдуард Кубенскийы уынджы инстолляци «Быру» та сси ивгъуыд æмæ фидæн бæттæг символикон хид. Баххуыс кæнынмæ цæттæ чи у, уыцы адæмæй алкæйы бон дæр у йæ ном ныффыссын.

Проекты ахсджиаг хай — нывгæнæджы архив. Къухфыстытæ, дарæсы нывтæ, кæфтыты этнографион иртæстытæ. Сæ фарсмæ та — Нарты кадджыты уникалон сурæттæ æмæ сюжетты иллюстрацитæ. Брытъиаты Созырыхъойы фырты фырт Темыр балæвар кодта графикæйы 14 сыфы — кæддæр сыл уæхски уæхск куыстой дыууæ мастеры. Мюнхен, 1903 аз. Ам ирдæй зынынц Тугъанты Махарбеджы ногдзинадтæ: хæххыты сæрибардзинад, хуызты æвзарынад. Нывгæнæг фæхайджын арф æмбарынадæй:  нывкæнынады нырыккон æвзагæн йæ бон дзурын у райгуырæн зæххы *взагæй. Æмæ мæнæ — йе сфæлдыстады сусæгдзинад раргом! Ныв «Чындз». Йæ райгуырæн Ирыстоны адæммæ уарзондзинадæй æххæст, стæй  æнустæ, хъысмæттæ æмæ адæмы истори иугæнæг аивад.

Ам алкæмæ дæр æнхъæлмæ кæсы ногдзинад: чидæртæ базондзæн, йæ сабибонтæй йын зындгонд цы сюжеттæ сты, уыдон, иннæты та фыццаг хатт дисы бафтаудзæн нывгæнæджы графикæ. Уыцы дæсгай азты дæргъæн æнæрлæугæ æмгуыстады райгуыры æппæты сæйрагдæр  — хи стыр историйы хай банкъарын.

Равдыст ахæсдзæн февралы онг. Ам банкъарæн ис, райгуырæн хæдзармæ уарзондзинадæй цы аивад райгуырд, уый æнусондзинад.

vgtrk_alania
vgtrk_alania
vgtrk_alania
vgtrk_alania