Цымыдисаг адæм Ирыстоны бирæ ис. Ныртæккæ уæ кæимæ базонгæ кæндзыстæм, уый йæхимæ гæсгæ уадиссагæй ницы сарæзта, фæлæ фæрæт æмæ хъæдæрмæгæй цы спортивон гæрзтæ кæны, уыдонæй адæмæн хæссы удæнцойдзинад.
Цымыдисаг адæм Ирыстоны бирæ ис.
Ныртæккæ уæ кæимæ базонгæ кæндзыстæм, уый йæхимæ гæсгæ уадиссагæй ницы
сарæзта, фæлæ фæрæт æмæ хъæдæрмæгæй цы спортивон гæрзтæ кæны, уыдонæй адæмæн хæссы удæнцойдзинад.
Хуыры фыццаг тынтимæ Шмулевичы æмæ
Пушкины номыл уынгты цæрджытæй бирæ рацæуынц сæ цуры цы хъæд ис уырдæм.
Ам архайынц алы спорты хуызтæй. Адæм сæхæдæг сарæзтой тренажертæ, фæлæ
дзы æмбал нæй Ногъайты Сергей цы фæзуатмæ зилы уымæн. Ацæргæ нæлгоймаг
къорд азы аразы буары алы хайæн пайда чи фæуыдзæн ахæм хъæдын
тренажертæ. Зилы æрдзмæ.
Адæм стыр бузныг сты Ногъайты Сергейе,
йæ фæрцы сын ис фадат сыгъдæг уæлдæфы физкультурæ кæнын æмæ æнæниздзинад
фидар кæнын. Агъуызарты Зæирæ 10 азæй фылдæр цæуы хъæдмæ æмæ хорз зоны
цы уавæры уыд фæзуат уый.
Агъуызарты Зæирæ: «Уæртæ уым ацæуæн дæр
нæ уыди æмæ йæм уыйбæрц тых и сæмæ йæ ссыгъдæг кодта. Сывæллæттæн скодта
турниктæ. Зæронд педальтæ ссардта æмæ нын велосипед дæр скодта. Фæлæ
йын дзы ницы уадзынц наркомантæ. Æрбацæуынц æмæ асæттынц, ныппырх
кæнынц. Æмæ та сæ ногæй скæны».
Хид дæр адæмæн стыр уыдынцойдзинад у.
фæлæ куы тыхджын уарынты, куы та фыдгæнæг адæмы аххосæй хæлд æрцæуы. Æмæ
та Сергей райсы йæ кусæнгæрзтæ æмæ йæ ногæй саразы. Диссаг уый у æмæ
мæсты дæр не свæйы
Фæсивæд æрбацæуынц æмæ сæ бацъæл кæнынц.
Æз та сæ ногæй скæнын. Мæсты дæр сæм нæ кæнын. Чи цы кæны уый йæхицæн,
фæлæ мæсты куы кæнон уæд мæхицæн зындæр у.
Гæмæуонты Ларисæ: «Асæттынц снарядтæ, фæлæ сæ уæддæр саразы. Уыцы кары уый бæрц хъару кæмæ ис, уымæн йæ цæрæнбон бирæ уæт».
Сергей ахызт йæ 80 азы сæрты, фæлæ йæ азтæ нæ хынцгæйæ у цæрдæг æнæзивæг, иуæй-иу кæстæртæй хъаруджындæр.
Туаты Серафим: «Адон ам æрбайæфтон æмæ хуыздæр уыдысты, фæлæ сæ адæм халынц. Ацы хорз адæймаг та сæм зилы».
Ногъайты Сергей: «Адæм æрымбырд вæййынц æмæ мæ уыдæн æнцондæр вæййы, зæрдæ фæхъæлдзæгдæр вæййы».
Адæймаг хъуамæ æнкъард ма кæна, фæлæ
æрдзы скондыл цин, йæ къуыхтæй та сæтгæ нæ, фæлæ аразгæ. Ахæм зондыл
хæст у æрдзы лæварæн стыр аргъ чи кæны уыцы Рассветаг лæппу Ногъайты
Сергей. Адæмы арфæ йыл куы æрцæуа уæд та æнæнизæй цæрдзæн бирæ азты.
Моргуаты Ладæ
