Æрыдоны 1-æм скъолайы райдиан кълæсты ахуыргæнджытæ Тлатты Оксанæ æмæ Кцойты Иринæ сывæллæтты ахуыр кæнынц Леонид Занковы программæмæ гæсгæ.
Æрыдоны 1-æм скъолайы райдиан кълæсты ахуыргæнджытæ Тлатты Оксанæ æмæ Кцойты Иринæ сывæллæтты ахуыр кæнынц
Леонид Занковы программæмæ гæсгæ. Ацы аз системæйыл сæххæст 55 азы æмæ
интернеты фæрцы арæзт æрцыдысты алы хуызон конкурстæ. Сæ иу «За
компьютер!», зæгъгæ рамбылдта Тлатты Оксанæ. Кцойты Иринæ та сарæзта
4-æм къласы кæронбæттæн кантролон куыст æмæ уый дæр 315 архайæджы æхсæн
сси фыццаг.
Ацы сывæллæттæ Æрыдоны фыццæгæм скъолайы
райдиан кълæсты ахуыргæнæг Тлатты Оксанæйæн сты йæ 6-æм фæлтæр. Ахуыр
сæ кæны Леонид Зонковы программæмæ гæсгæ. Сывæллæттæ йæм хъусынц
цымыдисæй.Дзиццойты Элинæ: «Æз уарзын скъоламæ цæуын. Мæ ахуыргæнæджы
дæр тынг бирæ уарзын».
Гогаты Хетæг: «Махæн фæамоны кæсын, фыссын».
Зæнджиаты Миленæ: «Æз уарзын скъоламæ
цæуын, мæ ахуыргæнæджы дæр уарзын. Махæн дзы вæййы дзæбæх уроктæ. Мах
баззыдтам хъæлæсонтæ æмæ æмхъæлæсонтæ. Хъæлæсон дамгъæтæ ис зарæн æмæ сæ
ис ныхæстæ аразын».
Сæ ахуыргæнæг Кцойты Иринæ дæр райгонд
сты ацы скъолайы 4-æм къласы ахуырдзаутæ. Уый дæр сывæллæтты ахуыр кæны
Занковы программæмæ гæсгæ. Ацы аз та ацы ахуырады системæйыл сæххæст 55
азы, уымæ гæсгæ интернеты фæрцы цы конкурстæм фæсидтысты, уым архайдтой
Оксанæ æмæ Иринæ дæр. Æмæ сæ дыууæ дæр систы уæлахиздзаутæ. Алы
конкурсты архайдтой Уæрæсейы горæтты 350 ахуыргæнæгæй фылдæр.
Лохты Ритæ, Ирон æвзаг æмæ литературæйы
ахуыргæнæг: «Ныртæккæ йæ зонæм, не скъола кæй аивта, уый. Ног цæстæнгас
æм и æмæ кæй зæгъынæй хъæуы ног уавæртæм кæсгæ æнæмæнгæй пайда кæнын
хъæуы ног технологитæй дæ рæмæ ацы 2 ахуыргæнæджы иттæг хорз пайда
кæнынц ног технологитæй».
Иринæ æмæ Оксанæ уæндонæй кæй пайда кæнынц ног технологитæй, ууыл дзурæг сты, сæ къластæ куыд нырыккон ифтонг сты, уый дæр.
Æрыдоны фыццæгæм скъола 2 хатты архайдта
национ проект «Ахуырады». Уый фæрцы йын лæвæрд æрцыдис фæйнæ милуан
сомы æмæ дзы сæ кълæстæ сифтонг кодтой интерактивон фæйнæджытæй.
Ацы фæйнæджытæй разы сты ахуыргæнджытæ,
сæ фæрцы сæ бон у фылдæр зонындзинæдтæ раттын скъоладзаутæн. Ноджы ма
райдиан кълæсты ахуыргæнджытæ Тлатты Оксанæ æмæ Кцойты Иринæ сæ
фæлтæрддзинад фæбæрзонддæр кæныны тыххæй ахуырты вæййынц Мæскуыйы дæр.
Сæ дыууæ дæр хæст сты иу хъуыдыйыл, сывæллонæн йæ фыццаг зонындзинæдтæ
цас арф дæр уой, уыййас фылдæр пайда æрхæсдзæн фидæны.
