Дзæуджыхъæуы 3 боны цыдысты «Стъараполы экономикæйы Бонтæ». Спорты Галуан «Манеж»-ы фæзы кадджын уавæры байгом промышленнон продукцийы равдыст.
Дзæуджыхъæуы 3 боны цыдысты «Стъараполы
экономикæйы Бонтæ». Спорты Галуан «Манеж»-ы фæзы кадджын уавæры байгом
промышленнон продукцийы равдыст. Хицауады уæнгтæ, арæзтадон, базарадон,
энергифæстауæрцгæнæг компаниты разамонджытæ æмæ регионы амалхъом
адæймæгтæ сæрмагонд æмбырды æрныхас кодтой æмгуыстады æмæ бизнес
райрæзын кæныны фарстатыл.
Байгом
дзы хъæууон-хæдзарадон продукцийы, уæлæдарæсы æмæ æндæр дзаумæтты
армукъа. Стъараполы крайы æмæ Цæгат Ирыстоны куыстуæттæ сæ товартæ уæй
кодтой асламдæр аргъæй. Республикæйы промышленносты министрады
специалисттæ куыд зæгъынц, афтæмæй, Цæгат Ирыстон æмæ Стъараполы крайы
хсæн базарадон-экономикон бастдзинæдтæ рагæй сты. Рæстæгимæ та кæнынц
фидардæр æмæ парахатдæр. Ахæм армукъатæ дæр систы традицион æмæ дзы алы
хатт продукцийы номхыгъд вæййы фылдæр, хъæздыгдæр, фæзыны бирæ
ногдзинæдтæ.
