Ирон æвзаджы хæзнадон фæхъæздыгдæр ног чиныгæй. Рухс федта Тахъазты Фидары хæдахуыргæнæн. Йæ фæрцы ирон æвзаг æппындæр чи нæ зоны, уыдоны бон у, æрмæст уымæй пайда кæнгæйæ, æвзаг ахуыр кæнын.
Фидары хæдахуыргæнæн. Йæ фæрцы ирон æвзаг æппындæр чи нæ зоны, уыдоны
бон у, æрмæст уымæй
пайда кæнгæйæ, æвзаг ахуыр кæнын.
Хи ахуыр кæнæн чиныгæй у æнцон архайæн. Филологон наукæты кандидат
Тахъазты Фидар ламбынæг бакуыста чиныгыл. Бахаста йæм, æвзаг æнцондæр
базонынæн цы методикон æрмæг хъæуы, уыдон, æмæ сæ бындурыл сарæзта
хæдахуыргæнæн.
Гуæцæлты Ларисæ, филологон наукæты доктор: «Чиныг æххæст у, хъæздыг
тексттæй. Ис дзы хицæндзинæдтæ лексикæйæ, фразеологийæ, йæ грамматикон
æрмæг у æнцон æмбарæн.Чиныджы федтон цыбыр, дзæбæх дзырдуат ис дзы
алыхуызон фæлтæрæнтæ. Бæрæг у чий æ фыста уый ахæм къордтимæ чи куыста,
ахæм адæймаг».
Ахæм чиныг ныры онг нæма уыд. Уый размæ Фидар рауагъта хи ахуыр кæнæн
чиныг дыууæ томæй. Уыдоны фæрцы, республикæйы скъолаты уырыссаг къордты
ахуырдзаутæ, аст азы ахуыр кæнынц ирон æвзаг.
Тахъазты Фидар, филологон наукæты кандидат: «Æрыдоны куыста Кцойты
Георгий, уый рагæй ам нæ цард. Йæ фыд æфсæддон уыд æмæ ирон æвзаг нæ
базыдта. Бамбарын мын кодта хадахуыр чиныг куы уаид, уæд ирон æвзаг кæй
сахуыр кæнин, зæгъгæ. Уый фæрцы рацыд мыхуыры хиахуыр гæнæн чиныг».
Ацы чиныг бирæ фæлтæртæн фæахъаз уыдзæн, мадæлон æвзаг базонынæн.
Раздæр-иу ахæм чингуытæ кæй нæ уыд, уый тыххæй скъолаты уырыссаг къордты
ахуырдзаутæ ирон æвзаг æппындæр нæ ахуыр кодтой.
Лагкуты Роза, Цæгат Ирыстоны ахуырады министрады ирон хайады кусæг:
«Фидар цас кусы ирон æвзаджы райрæзтыл уый бæрц ын аргъ гонд нæ
цæуы.Уæздан æмæ йæ фыст чингуытæй йæхицæн ницы спайда кæны. Фæнды мæ
цæмæй Ирыстоны цы хæрзиуджытæ ис, уыдонæй истæмæйты хайджын фæуа».
Тахъазты Фидары хуызæн мадæлон æвзагмæ куыдфæндыйы цæстæй чи нæ кæсы,
ахæм адæмы нымæц фылдæр куы кæна, уæд не взаджы фидæн уыдзæн
бæллиццагдæр. Чиныджы авторы куысты сæйраг нысан дæр уый у.
