Сæрмагонд акци саразта горæты администраци. Йе вæрæн та йæм бахастой 200 адæймагæй фылдæр.
Национ-культурон æхсæнадтæ, «Хъæууон-хæдзарадон банчы» кусджытæ, амалхъом адæм, студенттæ æмæ кæй фæндыд
Сæрмагонд акци саразта горæты администраци. Йе вæрæн та йæм бахастой 200 адæймагæй фылдæр.
Национ-культурон æхсæнадтæ,
«Хъæууон-хæдзарадон банчы» кусджытæ, амалхъом адæм, студенттæ æмæ кæй
фæндыд, уыдон иууылдæр рацыдысты сæрмагонд акцимæ. Алчидæр сæ ныссагъта
талатæ. Афтæмæй нырæй фæстæмæ Дзæуджыхъæуы Терчы былгæрон уыдзæн
платанты аллея.
Цалдæр азы размæ фæсивæды къордмæ фæзынд
ахæм аллейæ ныссадзыны хъæппæрис. Бæрнон кусджытæ йæ банымадтой хорзыл,
рахæцыдысты йæ фарс. Æмæ йæ ныр адæмы иудзинады боны агъоммæ сæххæст
кодтой.
Национ культурон æхсæнадты минæвæрттæ
куыд зæгъынц, афтæмæй нæ республикæйы цæры бирæ адæмы хатты. Æмæ ахæм
акциты руаджы иумæ фембæлынц, уый иу хъуыддаг у, фæлæ ма иумæ кæрæдзийы
фарсмæ кæй садзынц талатæ, уый дæр у иудзинады æмæ хæлардзинады нысан.
Хæстæгдæр сæ кæны кæрæдзимæ.
Платантæ дæр хуымæтæджы нæ ныссагътой…
Бирæ бæстæты нымад у Хуыцауы уарзон бæласыл. Уыимæ ма цæры æмæ адæмы
зæрдæтæ рухс 1000 азæй фылдæр.
Иннæ аз проект æххæстгæнгæйæ фæнд кæнынц
Феликс Финкбайнеры æрбахонын. 15 азыдзыд немыцаг скъоладзау йæ алыварс
æрæмбырд кодта дунейы алы бæстæты бирæ адæм æмæ иумæ фæсадзынц бæлæстæ.
Йæ размæ æвæры хæс æрдз бахъахъхъæнын.
Дзæуджыхъæуы фæсивæды минæвæрттæ дæр
разы сты немыцаг лæппуимæ æмæ зæрдиагæй архайынц акци «Ныссадз дæ
бæлас»-ы. Нымайынц æй ирон дзуаппыл Феликсæн. Сæ лымæндзинадæн та
æвдисæн платанты «хæлардзинады аллея».
