Ерыстæ ацыдысты Нылцыччы. Сæхи уæзы уæлахиздзаутæ систы Пагæты Алыксандр, Дзæгъойты Аслан, Джелыты Сослан, Куыдзиаты Зæринæ æмæ Смайлиаты Алинæ. Уыдон се ппæт дæр бацыдысты Цæгат Кавказы иугонд командæмæ æмæ архайдзысты Уæрæсейы чемпионаты.
Ерыстæ ацыдысты Нылцыччы. Сæхи уæзы
уæлахиздзаутæ систы Пагæты Алыксандр, Дзæгъойты Аслан, Джелыты Сослан,
Куыдзиаты Зæринæ æмæ Смайлиаты Алинæ.
Уыдон се ппæт дæр бацыдысты Цæгат Кавказы иугонд командæмæ æмæ
архайдзысты Уæрæсейы чемпионаты. Ацæудзæн Мæскуыйы, декабры. Уыдонимæ
бæстæйы ерыстæм ацæудзысты 16 ирыстойнаг спортсмены республикæйы иугонд
командæйы хыгъды. Не спортсментæ ма Налцыккæй сластой 3 æвзист æмæ 2
бронзæ майданы. Цæгат Ирыстоны спортсментæ ацы ерыстæм сæхи цæттæ кæнын
райдыдтой сæрды. Чемпионаты хæдразмæ та дыууæ къуырийы се спортивон
арæхстдзинадыл архайдтой Ираны. Нæ командæйы тренер Аветис Оганесянц
разы у чемпионаты хатдзæгтæй. Зæгъын ма хъæуы уый, æмæ нæ командæйы
хуыздæр тхэквондисттæ – Ногъаты Алан æмæ Хъозыты Сослан се нæниздзинады
тыххæй чемпионаты нæ архайдтой.
Куыдзиаты Зæринæ, Цæгат Кавказы
федералон зылды чемпионаты уæлахиздзау тхэквондойæ: «Нæ ерыстæ уыдысты
Налцыччы, нæ тренер нын тынг æххуыс кодта. Æз рахæцыдтæн иу хатт æмæ
фæуæлахиз дæн. Се ппæт спортсментæ уыдысты тыхджын, фæлæ мах
рамбылдтам».
