Дзæуджыхъæуы æрæджы байгом иумæйаг радхæссæг – диспетчерон службæ. Йæ кусджытæм ын суткæмæ бадзурынц сæдæгай адæм. Æппæт курдиæттæм дæр специалисттæ æркæсынц лæмбынæг, æмæ бынатмæ арвитынц сæрмагонд бригадæтæ.
Дзæуджыхъæуы æрæджы байгом иумæйаг
радхæссæг – диспетчерон службæ. Йæ кусджытæм ын суткæмæ бадзурынц
сæдæгай адæм. Æппæт курдиæттæм дæр специалисттæ æркæсынц
лæмбынæг, æмæ бынатмæ арвитынц сæрмагонд бригадæтæ. Ахсджиаг у, службæйы
нырыккон технологитæй парахатæй кæй пайда кæнынц, уый дæр.
Куйбышевы уынджы хæдзары пъадвал донæй
байдзаг. Дуканийы цы сылгоймаг кусы, уый æвæстиатæй бадзырдта иумæйаг
диспетчерон службæмæ. Уымæн æмæ абон уый нымад у цæрæн-коммуналон
хæдзарады фарстатæ лыггæнæнæг тагъд æххуысы центрыл. Службæйы кусджытæ
баххуыс кæнынмæ цæттæ сты æхсæвæй-бонæй. Бынаты сбæрæг кæнынц уавæры
аххосаг. Хъармгæнæн сезоны райдианимæ иумæйаг радхæссæг-диспетчерон
службæйы куыст фæфылдæр.
Тогъуызты Феликс, иумæйаг
радхæссæг-диспетчерон службæйы директор: «Нæ службæ байгом 12-æм
сентябры. Уæдæй фæстæмæ нæм æххусагур æрбадзырдтой 2000 адæмаджы. Се
ппæт курдиæттыл дæр бакуыстам».
Диспетчерон службæйы бригадæтæ кæм сты,
уый бæрæг кæнынц сæрмагонд системæ ГЛОНАССмæ гæсгæ. Суанг ма бæрæг
кæнынц, машинæтæ æххуысмæ куыд тагъд цæуынц, уый дæр. Диспетчерон службæ
суткæмæ кусы 24 сахаты. Ам æркæсынц æппæт курдиæттæм дæр. Фыццаджыдæр
кусæг бригад арвитынц, æвæстиатæй баххуыс кæнын кæм хъæуы, уырдæм.
Цалынмæ куыстытæ кæронмæ нæ фæуой, уæдмæ хъуыддаг нæ сæхгæнынц. Иу
къуыримæ æркæсынц 700 курдиатмæ. Уыдонæн се рдæг сæххæст кæны службæ
йæхæдæг.
Ныртæккæ иумæйаг службæйы кусы 84
адæймаджы. Фидæны сæ нымæц хъуамæ фæфылдæр уа. Федералон программæмæ
гæсгæ 2017-æм азмæ диспетчерон службæ хъуамæ дзуапп дæтта, æнæнхъæлæджы
уавæрты министрадмæ цы курдиæттæ цæудзæн, уыдонæн дæр.
