Цæгат Ирыстоны паддзахадон университеты зонадон иртасæн центры æмæ республикæйы национ фарстаты министрады хъæппæрисæй Дзæуджыхъæуы Цивилизацийы институты ацыд семинар.
Цæгат Ирыстоны паддзахадон университеты
зонадон иртасæн центры æмæ республикæйы национ фарстаты министрады
хъæппæрисæй Дзæуджыхъæуы Цивилизацийы институты ацыд семинар.
Уæлдæр скъолаты студенттæ æрдзырдтой алы
адæмы хæттыты æмæ динты хсæн лымæндзинад æмæ хæлар ахастдзинæдтæ
парахат кæныныл. Фæсивæд æмæ хистæр кары адæм загътой сæ хъуыдытæ, куыд
æмæ цы мадзæлттæ аразын хъæуы, цæмæй дины æмæ национ фарстаты фæдыл
быцæутæ ма цæуа, уый тыххæй.
Се хсæн рауад бæстон ныхас. Фæлæ сæ
хъуыдытæ иухуызон нæ уыдысты. Иу къорды хъуыды ахæм у, æмæ алы нацийы
хицæндзинад, йæ культурæ æмæ æгъдæуттæ хъæуы хъахъхъæнын. Иннæты
хъуыдымæ гæсгæ та, адæм иу регионæй иннæмæ куы афтынц, уæд уый хорз у.
Афтæмæй кæрæдзимæ кæнынц хæстæгдæр, уынынц, се хсæн бирæ хицæндзинæдтæ
кæй нæй, уый.
Уый та фадат дæтты кæрæдзийы цардыуаг хуыздæр базонынæн, фæхæстæгдæр кæнынæн, фæсивæды кæрæдзиуыл бæттынæн.
