Дзæуджыхъæуы лифты шахтæйы фæмард адæймаг. Æвирхъау цау æрцыд Шмулевичы уынджы 9-уæладзыгон хæдзары. Трос атыдта, уыцы рæстæг шахтæйы уыдис Дигорайы цæрæг 43-аздзыд нæлгоймаг.
адæймаг. Æвирхъау цау æрцыд Шмулевичы уынджы 9-уæладзыгон хæдзары.
Трос атыдта, уыцы рæстæг шахтæйы уыдис Дигорайы цæрæг 43-аздзыд
нæлгоймаг. Кусæг къордимæ архайдта лифт баивыныл. Ныртæккæ хъуыддаг
сбæлвырд кæныны тыххæй цæуы слест. Дзæуджыхъæуы лифтты уавæр у
зæрдæхсаинаг.
Шмулевичы уынджы 16-æм хæдзары цæрджытæ
нырма тагъд нæ бауæнддзысты лифтмæ бахизын. Куы æрхауд, уæд шахтæйы
адæймаг уыд, уый æрæджиау базыдтой. Лифт баивыныл кусджытæ архайдтой 2
къуырийы. Уæвгæ, Дзæуджыхъæуы хæдзæртты лифт кæй нæ кусы, уый диссаг
нæу. Къостайы проспекты 269-æм хæдзары цæрджыты дæр тыхсын кæны ацы
хъуыддаг. Афæдзы дæргъы, зæгъæн ис, æмæ алы бон дæр сæ лифт фæкусы
къуылымпытмæ. 9-уæладзыгон хæдзары ис 54 фатеры. Сæ фылдæры цæрынц
хистæр кары адæм æмæ сывæллæттæ.
Бæззаты Екатеринæ, Къостайы проспекты
269-æм хæдзары цæрæг: «Æз 7-æм уæладзыгыл цæрын. Нæ лифт хорз рагæй нæ
кусы. Бон 2-3 сахаты акусы, стæй æрлæууы. Бафæлладыстæм. 40 азæй фылдæр
цæуы нæ хæдзарыл».
Хуыздæр уавæр ис Дзæуджыхъæуккаг уынджы
хæдзары. Ам тагъд рæстæджы фæзындзæн ног лифт. Ацы аз горæты
администрацийы фидаргонд æрцыд муниципалон программæ бирæфатерон
хæдзæрттæ бындурон цалцæг кæнынæн. Уый руаджы фæхуыздæр уыдзæн лифтты
уавæр дæр.
Ацы аз лифттæ баивынæн æмæ цалцæг
кæнынæн радих кодтой 55 милуан сомы. Ныридæгæн ногтæ сæвæрдтой 35
хæдзары. 2014-æм азмæ Дзæуджыхъæуы лифттæн се 80 проценты хъуамæ ивд
æрцæуой».
Æдæппæтæй Дзæуджыхъæуы ис 600 лифты бæрц. Уыдонæй бирæтæн сæ эксплуатацийы рæстæг – 25 азы – фæцис.
Хъайтмазты Дзерассæ
