«Дæ бон хорз, фидæны чиныгкæсæг!». Ахæм акци уыд Дзæуджыхъæуы. Арæзт æрцыд Цæгат Ирыстоны национ наукон библиотекæйы хъæппæрисæй. Мадзал ацыд фыццаг хатт, фæлæ ныр цæудзæн алы мæй дæр.
«Дæ бон хорз, фидæны чиныгкæсæг!». Ахæм
акци уыд Дзæуджыхъæуы. Арæзт æрцыд Цæгат Ирыстоны национ наукон
библиотекæйы хъæппæрисæй. Мадзал ацыд фыццаг хатт, фæлæ ныр
цæудзæн алы мæй дæр.
Тамир Афашоков, кæй зæгъын æй хъæуы,
кæсын нæма зоны. Цæуы йыл æрмæст иу мæй æмæ рдæг. Фæлæ ныридæгæн лæварæн
райста йæ фыццаг чиныг. Ныр ын йæ мад кæсдзæн сывæллæттæн уарзон
аргъæуттæ. Ахæм лæвар Тамирæн скодтой национ наукон библиотекæйы
кусджытæ.
Джыбызты Зæринæ: «Æхсызгон нын у,
библиотекæйы кусджытæ нын ахæм рæсугъд бæрæгбон кæй скодтой, уый.
Æвæццæгæн, суыдзæн нæ уарзондæр чингуытæй иу»
Проект «Дæ бон хорз, фидæны чиныгкæсæг»
нысан у – сабитæн сæ чысылæй фæстæмæ чингуытæ кæсын уарзын кæнын. Акцийы
иуæй-иу архайджытимæ библиотекæйы кусджытæ фæнд кæнынц фидæны дæр
æмбæлын, сæ царды цы ахсджиаг цаутæ цæудзæн, уыдоны фæдыл сын арфæ
кæнын. Фæлæ, мадзалы аразджытæ куыд зæгъынц, афтæмæй проект сæйрагдæр
арæзт у ныййарджытæн.
Хайманты Иринæ, национ наукон
библиотекæйы директор: «Æрмæстдæр чиныджы фæрцы суыдзæн сæ бон сывæллоны
хорз схъомыл кæнын. Сахуыр æй кæнын раст дзурын, хъуыды кæнын, цæмæй
дзы фидæны рауайа æгъдауджын адæймаг».
Акци «Дæ бон хорз, фидæны чиныгкæсæг!» ацыд фыццаг хатт. Фæлæ нырæй фæстæмæ арæзт цæудзæн алы мæй дæр.
Акцийы фыццаг архайджытæ систы фидæны 6
чиныгкæсæджы. Алчидæр сæ райста чиныг Цæгат Ирыстоны адæмон поэт
Гуырдзыбекты Иринæйы автографимæ, стæй национ наукон библиотекæйы
кусджыты арфæтимæ
Наукон библиотекæйы чиныгкæсæг суæвын сæ
бон у, 14 азæй фылдæр кæуыл цæуы, уыцы адæмæн. Фæлæ чиныгдоны архайды
сæрмагонд бынат ахсы сывæллæттимæ куыст. Зæгъæм, тагъд рæстæджы дзы
фæзындзæн литературон иугонд «Росток», йæхæдæг æмдзæвгæтæ æмæ аргъæуттæ
чи фыссы, уыцы сабитæн. Архайынмæ дзы курдиат бадæттын ис ныридæгæн.
