110 азы адæмæн лæггад кæны Цæгат Ирыстоны медицинон академийы клиникон рынчындон. Республикæйы медицинæйы райрæзты йын ис стыр нысаниуæг.
Юбилейы фæдыл арæзт наукон-практикон конференцимæ ссыдысты дохтыртæ Уæрæсейы бирæ горæттæй.
110 азы адæмæн лæггад кæны Цæгат
Ирыстоны медицинон академийы клиникон рынчындон. Республикæйы медицинæйы
райрæзты йын ис стыр нысаниуæг.
Юбилейы фæдыл арæзт наукон-практикон
конференцимæ ссыдысты дохтыртæ Уæрæсейы бирæ горæттæй. Арфæйы ныхæстимæ
трибунæмæ рацыдысты йæ раздæры студенттæ, абоны зындгонд дохтыртæ,
бæрнон кусджытæ: Цæгат Ирыстоны æнæниздзинадхъахъхъæнынады министр
Владимир Селиванов, Уæрæсейы фæлхасадон цæстдарды цæгатирыстойнаг
управленийы разамонæг Бутаты Таймураз. Республикæйы 1-аг рынчындоны
ахадындзинады тыххæй радзырдта Æфсæнты Хасан, уый бирæ азты ацы
рынчындоны бакуыста сæйраг дохтырæй. Фæстаг азты клиникæйы сæйраг дохтыр
у Туаты Ирмæ, уый цыбырæй афæлгæст Дзæуджыхъæуы, уимæ та йæ фыццаг
рынчындоны историйыл.
Наукон-практикон конференцийы куыд
загътой, афтæмæй ацы рынчындоны бындурыл сæ наукон куыстытæ хынцтой æмæ
царды уагътой бирæ зындгонд дохтыртæ, профессортæ. Фыдыбæстæйы хæст куы
райдыдта уæд сси æфсæддон госпиталь, ам цардмæ раздæхтой бирæ адæм.
Ныртæккæ дæр ацы клиникæ нымад у
республикæйы раззагдæр медицинон куыстуатыл, ифтонг у нырыккон
кусæнгæрзтæй. Ам сæ теоретикон зонындзинæдтæ практикон æгъдауæй фидар
кæнынц Цæгат Ирыстоны медицинон академийы студенттæ.
Æмбалты-Дзгойты Симæ, профессор: «Фыццаг
хуынди 1-æм рынчындон, ныртæккæ та медицинон академийы студенттæ кæм
ахуыр кæнынц æмæ ахуыргæндтæ æмæ ассистенттæ кæм кусынц, ахæм бынат. Æмæ
дæттынц стыр зонындзинæдтæ сæ кæстæр фæлтæрæн. Уыцы зонындзинæдтæй
пайдагæнгæйæ рынчынтæн æххуыс кæнынц, цæмæй уой æнæниз, цæмæй уой
амондджын. Зæгъын фæнды уый, æмæ стыр истори ис уыцы рынчындонæн. Бирæ
адæмæн сæ æнæниздзинад фæхуыздæр кодтой æмæ абон у арфæгонд».
