Зæххы бын сæрмагонд ахизæн, машинæты лæууæн бынæттæ æмæ ног светофортæ саразын. Ахæм у, Цæгат Кавказы хæххон-металлургон институты студент, Мæргъиты Кахæйы дипломон куысты сæйраг хъуыды. Баст у фæндæгты æдасдзинадимæ.
Зæххы бын сæрмагонд ахизæн, машинæты
лæууæн бынæттæ æмæ ног светофортæ саразын. Ахæм у, Цæгат Кавказы
хæххон-металлургон институты студент, Мæргъиты Кахæйы дипломон куысты
сæйраг хъуыды. Баст у фæндæгты æдасдзинадимæ.
Проекты автор куыд зæгъы, афтæмæй нæ
горæты фæндæгты инфраструктурæ раст арæзт не рцыд. Уымæн æвдисæн сты
фæндаггон фыдбылызтæ. Мæргъиты Кахæ каст фæци архитектурон-арæзтадон
факультет, æмæ йæ дипломон проект разынд се ппæтæй хуыздæр. Уымæ гæсгæ
йæ бавдыста форум «Уазæгуарзон Ирыстоны». Куы йæм æркастысты, уæд æй
арвыстой дипломон проектты æппæтуæрæсеон конкурсмæ Пятигорскмæ. Къамисы
уæнгты зæрдæмæ тынг фæцыд цæгатирыстойнаг студенты куыст. Проект царды
рауадзынæн хъæуы дыууын фондз милуан сомы. Чысыл æхцатæ не сты. Фæлæ
проекты ахадындзинад стыр у. Уæд зынгæ фæкъаддæр уыдзысты фæндаггон
фыдбылызтæ, зæгъы автор. Хъыгагæн, нырма бæрнон кусджытæй проектæн
æмбæлгæ аргъ ничима скодта.
