Æрмæст Дзæуджыхъæуы сты 7 минмæ хæстæг. Уæлдай фылдæр сывæллæттæ райгуырд августы. Къайад фидаргæнæн галуаны кусджытæ зæгъынц, хъуыддаг дарддæр афтæ куы ахæсса, уæд ацы аз уыдзæн æппæты бæркадджындæр.
Æрмæст Дзæуджыхъæуы сты 7 минмæ хæстæг. Уæлдай фылдæр сывæллæттæ райгуырд августы. Къайад фидаргæнæн галуаны кусджытæ зæгъынц,
хъуыддаг дарддæр афтæ куы ахæсса, уæд ацы аз уыдзæн æппæты бæркадджындæр.
Ныртæккæ ноггуырдтыл æппæтæй арæхдæр
æвæрынц Давид, Сæрмæт, Аминæ æмæ Миланæ нæмттæ. Фæсарæйнаг стæм нæмттæ
дæр сарæх сты: Аурикæ, Доминикæ, Матэ, Этнæ, Анри æмæ Эмиль. Фæлæ
раздæрау ныййарджытæ арæх сæ ноггуырдтыл сæвæрынц дзуары ном дæр.
Зæгъæм, Гæджиты Айнæйæн Джеоргуыбайы къуыри райгуырд лæппу, æмæ йæ уый
кадæн схуыдта Георгий.
Дзæуджыхъæуы фыццæгæм арæндоны æрмæст
ацы мæй фаззæттæ райгуырд æртæ сылгоймагæн. Афæдзмæ та систы æстай авд.
Æртыгай фаззæттæ дæр сарæх сты. Абонмæ райгуырдысты æхсæз бинонтæм.
Хуыдиаты Нинæ, Дзæуджыхъæуы 1-æм
арæндоны дохтыр: «Нæ коллектив тынг фæцин кæны алы сывæллоны райгуырдыл
дæр. Фæстаг аз нæ куыст зынгæ фæфылдæр, сывæллæттæ нæм арæхдæр кæй
гуыры, уымæ гæсгæ. Зæгъын ма мæ фæнды уый дæр, æмæ фаззæттæ кæй сарæх
сты, ууыл цин йеддæмæ, дис дæр нал кæнæм. Раздæр арæх нæ гуырдысты, ныр
ма нын нæ зæрдæ барухс кæнынц æртыгай фаззæттæ дæр».
Национ проект «Æнæниздзинад», мадæлон
капитал, стæй бирæсывæллонджын бинонтæн хицауады рдыгæй стыр æххуыс кæй
цæуы, уымæ гæсгæ ныййарджыты ныртæккæ тынг фæнды стыр бинонтæ скæнын, –
зæгъынц къайад фидаргæнæн хайады кусджытæ. Ууыл дзурынц бæрæггæнæнтæ
дæр. Æрмæст августы рухс федтой 8 сæдæ сывæллоны. Уæвгæ, Цæгат Ирыстоны
фæстаг фондз азы ноггуырдтыл бирæ бафтыд. Абонмæ уал авд минæй фæфылдæр
сты. Хъуыддаг дарддæр афтæ куы ахæсса, уæд дыууæ мин дыууадæсæм аз
уыдзæн æппæтæй бæркадджындæр.
