Паддзахадон социалон æмæ информацион программæтæн æххуыс кæныны мæскуыйаг фонд «Адæмон хъæппæрисы» кусджытæ абон нæ республикæйы сарæзтой æмбырд. Ныртæккæйы риссагдæр фарстатыл æрдзырдтой барадхъахъхъæнæг оргæнты
Паддзахадон социалон æмæ информацион
программæтæн æххуыс кæныны мæскуыйаг фонд «Адæмон хъæппæрисы» кусджытæ
абон нæ республикæйы сарæзтой æмбырд.
Ныртæккæйы риссагдæр фарстатыл æрдзырдтой барадхъахъхъæнæг оргæнты,
алыхуызон министрадты, пысылмæтты духовон управленийы æмæ «Стыр Ныхасы»
минæвæрттæ. Фонды президент Алексей Белозеров куыд загъта, афтæмæй
æвæстиатæй бакусын хъæуы ног программæтыл. Экстремизмы æмæ терроризмы
ныхмæ тох кæныны нырмæ цы программæтæй пайда кодтой, уыдон фаг ахадгæ
нал сты. Ахæм фембæлдтытæ арæзт æрцыдысты Ростовы, Пятигорскы æмæ
Грознайы дæр. Регионты мæскуыйæгтæм цы фæндонтæ бахæссой, уыдонмæ
æркæсдзысты, сæ куыстмæ ивддзинæдтæ хаст куы цæуа, уæд.
Цæллагкаты Артур, «Стыр Ныхас»-ы
фæсивæдон комитеты сæрдар: «Ацы æмбырдæн чи зоны, æмæ стыр ахадындзинад
нæ уа. Фæлæ, Мæскуыйы исты программæтыл куы кусой, уæд дзы нæ фæндонтæ
дæр исты бынат бацахсдзысты».