Фæстаг рæстæг æнæниздзинадхъахъхъæныны федералон программæ æххæст кæнгæйæ нæ республикæйы бирæ ивддзинæдтæ фæзынд. Медицинон куыстуæттæ ифтонггонд æрцыдысты хъæугæ кусæнгæрзтæй, дæрддзæф хъæуты байгом ног амбулаторитæ.
Фæстаг рæстæг æнæниздзинадхъахъхъæныны
федералон программæ æххæст кæнгæйæ нæ республикæйы бирæ ивддзинæдтæ
фæзынд.
Медицинон куыстуæттæ ифтонггонд æрцыдысты хъæугæ кусæнгæрзтæй, дæрддзæф
хъæуты байгом ног амбулаторитæ. Фæлæ ма æркæсинаг фарстатæ дæр фаг ис.
Зæгъæм, Æрæфы районы онкологон рынчынтæ зындзинæдтæ æййафынц, хъæугæ
хостæ Цыколайы балхæнын сæ бон кæй нæу, уымæй. Цæуын сæм хъæуы Дигорамæ.
Ахæм уавæр цас ахæсдзæн уый сбæрæг кæныныл бацархайдта не сфæлдыстадон
къорд.
Рæмонты Зæлинæ у онкологон рынчын. 9 азы
размæ йын скодтой уæззау операци. Ныр чызгæн йе сджыты æмæ улæфæнты
апырх сты метастазæтæ. Зæлинæ бон цалдæр хатты нуазы тыхджын хостæ.
Рецепт ын йæ хо райсы районы поликлиникæйы. Фæлæ, хостæм цæуын бахъæуы
сыхаг районмæ.
Рæмонты Эльзæ: «Ныр дыууæ мæййы хостæм цæуын Дигорамæ. Зын у, фæлæ цы кæнон?».
Æрæфы районы 3 паддзахадон афтекæй иу
дæр онкологон рынчынтæн нæ лæггад кæны. Ам раздæр лæвæрдтой наркотиктæ
кæмæ хæццæ кæны, ахæм хостæ. «Фармация» бæстыхай арендæйы райста хицæн
адæймагæй. Ныр дзы йæ хицау йæхæдæг сфæнд кодта афтек байгом кæнын.
Районы райсæн нæй æрмæстдæр наркотиктæ
кæм ис, ахæм препараттæ. Уый нæ хынцгæйæ, рынчынтæн рецепттæ дæттынц
афоныл, зæгъынц районы поликлиникæйы.
Ахæм хостæ дæттыны тыххæй афтекы
кусджыты æнæмæнг хъæуы бардæттæг гæххæтт. Бæстыхайы сæвæрын хъæуы
сигнализаци, стæй хъуамæ ифтонг уа хостæ кæм уой, ахæм сæрмагонд
бынæттæй.Хæстæгдæр рæстæг Æрæфы районы фæзындзæн сæрмагонд афтек.
Наркотиктæ кæмæ хæццæ кæны, ахæм препараттæ онкологон рынчынтæн
дæтдзысты æнæкъуылымпыйæ, уый иу, фæлæ ма сæ хицæн рецепттæм гæсгæ кæнгæ
дæр кæндзысты уым.
Куыд нысан кæнынц, афтæмæй Цыколайы ахæм
афтек байгом уыдзæн иннæ азы райдиан. Цалцæг кæнæн куыстытæ дзы кæронмæ
фæхæццæ кæнынц. Рынчынты æнцойдзинадæн ма фæнд кæнынц, афтекæн
уæлæмхасæн пункт скæнын дæр.
