Дзуарыхъæуы кадджын уавæры байгом ног спортивон фæз. Арæзт æрцыд «Газпром»-ы социалон программæмæ гæсгæ. Ацы фæз нæ республикæйы у æстæм. Уый размæ ма 5 скодтой Дзæуджыхъæуы, иу – Æрыдоны, иу та – Цыколайы.
Дзуарыхъæуы кадджын уавæры байгом ног
спортивон фæз. Арæзт æрцыд «Газпром»-ы социалон программæмæ гæсгæ.
Ацы фæз нæ республикæйы у æстæм. Уый размæ ма 5 скодтой Дзæуджыхъæуы, иу
– Æрыдоны, иу та – Цыколайы. Дзуарыхъæуккæгтæн дæр ацы лæвар æрхаста
стыр æхсызгондзинад.
Цæмæй Цæгат Ирыстоны дзыллон спорты
рæзтæн фадæттæ уæрæхдæр кæной, уый тыххæй республикæйы Сæргълæууæг
Мамсыраты Таймураз баныхас кодта «Газпром»-ы разамындимæ, æмæ дарддæр
æххæст кæнынц сæ социалон программæтæ. Дзуарыхъæуы цы аив спортивон фæз
байгом, уый стыр циндзинад æрхаста хъæуы цæрджытæн, уæлдайдæр та рæзгæ
фæлтæрæн.
Гуыриаты Зелим, Дзуарыхъæуы скъолайы
ахуырдзау: «Раздæр-иу урокты фæстæ уæгъд рæстæг ацыдыстæм хæдзæрттæм,
ныр та æрбацæуæм ацы фæзмæ. Тамако дымыны æмæ нуазыны бæсты, стæй,
ныртæккæ фæсивæд цы æвзæр хабæрттæ кæнынц, уый бæсты ардæм цæуæнт, æмæ
исты базоной æмæ адæмы ‘хсæн сæхи равдисой.
Цопанаты Заурбег, филиал «Газпром
межрегионгаз Пятигорск»-ы директоры хæдивæг: «Ныртæккæ хъæутæм фылдæр
æргом ис. Горæты администраци йæхæдæг дæр кæны ахæм фæзтæ, мах дæр сæм
фæкастыстæм, иннæ стыр организацитæ дæр. Мамсыраты Таймураз загъта,
цæмæй хъæуты дæр сывæллæттæ фылдæр архайой, спортмæ се ‘ргом раздахой,
æмæ ууыл кусæм».
Дзуарыхъæуккæгтæ цы рæсугъд бæрæгбон
сарæзтой, уым сын зæрдиаг арфæ ракодтой республикæйы Парламенты сæрдары
хæдивæг Токаты Людмилæ, «Газпром»-ы цæгатирыстойнаг хайады разамонæджы
хæдивæг Цопанаты Заурбег, районы бынæттон администрацийы сæргълæууæг
Хæдарцаты Руслан, стæй хъæуы хистæр Тохтиаты Алик. Сывæллæттæн ныртæккæ
хи ирхæфсынæн ахæм фадæттæ кæй ис, уымæй, æнæмæнгæй, разы сты
ныййарджытæ дæр.
Тохтиаты Алик, Дзуарыхъæуы хъæуы хистæр:
«Кæддæриддæр сæ бон ахæм рæсугъд лæвæрттæ кæнын куыд уа, ахæм арфæ сæ
уæд. Нæ сабитæ та абоны лæвар куыд хъуыды кæной æмæ сæ хистæртæн кад
кæнын куыд зоной, æмæ йæ сæ зæрдыл куыд дарой, уыцы арфæ дæр уæд».
Абайты Маринæ, Дзуарыхъæуы цæрæг:
«Мæхæдæг дæр ахуыр кодтон ацы скъолайы. Ныртæккæ бирæ ныййарджытæн сæ
бон нæу сæ сывæллæтты горæтмæ æрвитын, сæ фадæттæ нæ амонынц, æмæ сæ
фæнды, цæмæй хъæуты ахæм спортивон фæзтæ фылдæр уа».
Бафиппаинаг ма у уый дæр, æмæ спортивон
фæз скодтой бынæттон æрмæджытæй, йæ бын дæр æмбæрзт у нæ республикæйы
конд резинæйæ. Æппæт хъæуы фæсивæдæн ам сæ бон хъазæн уыдзæн футболæй,
баскетболæй æмæ волейболæй.
Фæрниаты Мæдинæ
