Хæстæгдæр фидæны Цæгат Ирыстоны фæзындзæн информацийыл кусæг сæрмагонд центр. Уый тыххæй абон йæ пресс-конференцийы фехъусын кодта хицауады сæрдары хæдивæг Зæнгионты Виталий.
Хæстæгдæр фидæны Цæгат Ирыстоны фæзындзæн информацийыл кусæг сæрмагонд центр. Уый тыххæй абон йæ пресс-конференцийы
фехъусын кодта хицауады сæрдары хæдивæг Зæнгионты Виталий.
Ныртæккæ уал ын кусынц йæ проектыл.
Хицауады сæрдары хæдивæг куыд загъта, афтæмæй ацы центр у программæ
«Æдас республикæйы» фæрæзтæй иу. Æмбырды Зæнгионты Виталлий стыр æргом
аздæхта фæндæгты æдасдзинады фарстамæ дæр. Æрæджы нæ республикæйы кусын
райдыдта æвирхъау фыдбылызты медицинæйы центр. Районты рад хæссынц 5
бригады. Уымæй дарддæр фæфылдæр уыдзæн видеофиксаторты нымæц.
Дзæуджыхъæуы нырыккон автодромæн арæзт æрцыд йæ 80%. Республикæйы
фæндаггон службæтæ дæр зымæгмæ сты цæттæ. Зæнгионты Виталлий ма куыд
загъта, афтæмæй республикæйы æппæт районты цæттæ сты иумæйаг радхæссæг
диспетчерон службæ байгом кæнынмæ. Пресс-конференцийы ныхас цыд æндæр
ахсджиаг фарстатыл дæр.
Зæнгионты Виталий, РЦИ-Аланийы Хицауады
сæрдары хæдивæг: «Фарстатæ хорз æвæрд уыдысты. Дзуапп сыл куыд радтон,
уый адæм зæгъдзысты. Иу фарста уыд, экстремизмы ныхмæ кусæм æви нæ, уый
тыххæй. Æмæ тынг бадис кодтон. Мах уый тыххæй дзургæ нæ, фæлæ хъæр
кæнæм. Кусæм национ ахастдзинæдты министрадимæ, дины æмæ æхсæнадон
организацитимæ иумæ, цæмæй нæ зæххыл экстремизм ма уа».
Цæгæраты Еленæ, сайт «15-м регион»-ы
уацхæссæг: «Мæ зæрдæмæ фæцыд уый, æмæ республикæйы алы рæтты фæндæгтыл
æвæрынц сæрмагонд фæрæзтæ. Æмæ фæндæгтыл цæуыны уагæвæрд чи халы, уыдоны
нысан кæнынц. Мæнмæ гæсгæ, уый тынг хорз мадзал у».
