Дзæуджыхъæуы дæсныйад æвдисæг ахуыртæ æмæ семинартæ кæны дунейы хъуыстгонд францусаг хæринаггæнæг Стефан Брюилан. Æмбал кæмæн нæй, ахæм хæринæгты рецепттимæ Ирыстонмæ сласта, революцийы агъоммæ конд чи æрцыд, ахæм хуызистыты альбом.
Дзæуджыхъæуы дæсныйад æвдисæг ахуыртæ
æмæ семинартæ кæны дунейы хъуыстгонд францусаг хæринаггæнæг Стефан
Брюилан.
Æмбал кæмæн нæй, ахæм хæринæгты рецепттимæ Ирыстонмæ сласта, революцийы
агъоммæ конд чи æрцыд, ахæм хуызистыты альбом. Фенæн дзы ис Кавказы
рагон нывтæ. Альбон бирæ азты уыд францусаг бинонтæм. Ныр æй СтефАн
лæвары хуызы сласта Цæгат Ирыстонмæ. Федтой йæ не сфæлдыстадон къорды
уæнгтæ дæр.
Ольгинскæйы хид, сыгъдæг Давиды аргъуан
Тифлисы, Дзæуджыхъæуы нывтæ æмæ æфсæддон-гурдзыйаг фæндаг сæдæ азы
размæ. Специалисттæ куыд зæгъынц, афтæмæй сты хæрзхъæд хуызистытæ,
сæйрагдæр та уый, æмæ æнусы размæ куыд уыдысты, афтæмæй баззадысты.
Рæстæг сыл сæ фæд нæ ныууагъта. Хуызистыты альбон Дзæуджыхъæумæ сласта
францусаг хæринаггæнæг Стефан Брюилан.
Стефан Брюилан, дунейы зындгонд
хæринаггæнæг: «Ардæм мæ куы схуыдтой, уæд ахъуыды кодтон, альбон мемæ
аласон, зæгъгæ. Чи зоны, æмæ мæ бинонтæн искæд бон фесæфтаит. Кæнæ йæ
иннæ фæлтæртæ афæтæ хорз нæ бавæрдтаиккой. Мæнмæ гæсгæ йæ Ирыстоны
бахъахъхъæндзысты стыр хæзнайау».
Стефанæн чиныг баззад йæ фыдыфыдæй.
Уæвгæ, Кавказы никуы уыд. Стæй Стефан дæр Уæрæсейы уыд 30 азы размæ.
Фæлæ, альбом йæ зæрдæмæ афтæ фæцыд, æмæ ракурдта уырыссаг эмигрантæй.
Ныр æмбал кæмæн нæй, уыцы хуызистыты альбом уыдзæн национ – наукон
библиотекæйы æвæрæнты.
Сувенирон альбомы иуæй-иу къамтæ æвзæрын
кæнынц бирæ фарстатæ. Ахуыргæндты базонын фæнды, хуызистытæ кæд конд
уыдысты, уый, æмæ кæндзысты иртасæн куыст. Гæнæн ис, æмæ специалистты
фарстатæн дзуапп радта персайнаг æмæ туркаг хæсты хъæбатыр Архип Осиповы
цыртдзæвæнимæ Александровский проспекты рагон ныв. Революцийы фæстæ
цыртдзæвæн ныппырх кодтой. Уый та ууыл дзурæг у, æмæ къам ист æрцыди
1917-æм азы размæ.
Дзираты Людмилæ, национ-наукон
библиотекæйы сæйраг библиотекарь: «Ацы чиныг нæм кæй æрбахаудта, уый
тыххæй мæ цинæн кæрон нæй. Æрмæст национ библиотекæйы нæу, фæлæ у
æнæхъæн республикæйы. Иториктæ, архитектортæ, иууылдæр æй иртасдзысты».
Кавказы историон æмæ архитектурон
цыртдзæвæнты хуызистытимæ стефан Дзуджыхъæумæ сласта арæх кæуыл нæ
сæмбæлдзынæ, ахæм фрацусаг хæринæгты рецепттæ. Растдæр зæгъгæйæ та, ссыд
цæмæй адæмы базонгæ кæна йæ дæсныйады сусæгдзинæдтимæ. Стефанмæ у
дунеон хъуыстгонд премийы аккаг. Алы хæринагмæ дæр бахæссы йæхи æрмдзæф.
Брюиланы авторон æрхъуыдыдзинæдтæй Дзæуджыхъæуы байгом сты францусаг
хæринæгты бонтæ. Фыццаг сын бафæлвæрдтой журналисттæ æмæ рагон чингуытæн
аргъ чи кæны, ахæмтæ.
