Фæстаг рæстæг пысылмон дины тыххæй бирæ æнæраст хъуыдытæ фехъусæн вæййы. Уымæ гæсгæ нæ республикæйы сæрмагонд ахуыртæ арæзт æрцæуы, уыцы дины æцæгдзинæдтæ базонын кæй фæнды, уыдонæн.
Фæстаг рæстæг пысылмон дины тыххæй бирæ æнæраст хъуыдытæ фехъусæн вæййы. Уымæ гæсгæ нæ республикæйы
сæрмагонд ахуыртæ арæзт æрцæуы, уыцы дины æцæгдзинæдтæ базонын кæй фæнды, уыдонæн.
Æртыккаг хатт Дзæуджыхъæуы мæзджытмæ
республикæйы районтæй æрæмбырд сты пысылмон диныл хæст адæм. Ам сын
Ирыстоны Муфти Гуæцæлты Хаджимурат саразы æппæт фадæттæ дæр Хъуыран
хуыздæр базонынæн. Ардæм æрбацæугæйæ, алы кары адæймаджы бон у пысылмон
адæмы æгъдæуттæ æмæ традицитæ базонын.
Гулуты Олег: «Дин ахуыр кæнгæйæ мæ зонындзинæдтæ фылдæр кæныц. Ис ма ахæм хъуыддæгтæ, кæцытæ базонын мын æвзæр нæ уыдзæн».
Ныртæккæ ахуыргæнинæгты сæйраг къорды ис 35 адæймаджы, фæлæ ма ис ахæмтæ дæр, зонындзинæдтæ исынмæ куысты фæстæ чи рбацæуы.
Саукуыйты Тамерлан: «Пысылмон дин куы райсæм, уæд бирæ хъуыддæгты æххуыс у. Ахуыр кæны хæлардзинадыл, кæрæдзи уарзыныл…».
Льянты Олег, ахуырты архайæг: «Мæнмæ уыйас зонындзинæдтæ нæй, æмæ мæ фæнды ноджы фылдæр базонын».
Лекцитæ сын кæсдзысты, сæрмагонд уæлдæр
ахуыргæнæндæдтæ каст чи фæци, ахæм фæлтæрдджын адæм, имамтæ. Ахуыртæ
байгом кæныны кадджын мадзалы уыд Цæгат Кавказы пысылмон дины институты
ректор Абу Ханиф.
Саукуыйты Тамерлан: «Ныр цы пысылмон
дины хуызтæ ис, уыдонимæ мах разы не стæм. Мах цæуæм нæ фыдæлтæ цы
фæндагыл цыдысты, ууыл. Фæнды нæ, цæмæй кæстæртæ æмбарой дины
æцæгдзинад…».
Ахуырты фыццаг боны сæйрагдæр фарстатæй
иу уыд, мæзджыты хи дарын куыд хъæуы, уый. Бирæ цымыдисаг фарстатæн ма
дзуапп ссардзысты дæс бонмæ ахуырты архайджытæ. Уый фæстæ сæ раттын
хъæудзæн фæлварæнтæ. Зæгъын хъæуы уый, æмæ сæ хуыздæртæ сæ зонындзинæдтæ
фæлвардзысты Хъуыранкæсджыты æрвылазон конкурсы.
