«Поликультурон ахуырады полилингвалон хуызы райрæзт». Ацы ног системæйы хорздзинæдтыл æрдзырдтой Дзæуджыхъæуы 13-æм скъолайы.
Архайдтой дзы республикæйы скъолаты ахуыргæнджытæ, полилингвалон ахуырады программæтыл чи кусы
«Поликультурон ахуырады полилингвалон хуызы райрæзт». Ацы ног системæйы хорздзинæдтыл æрдзырдтой Дзæуджыхъæуы 13-æм скъолайы.
Архайдтой дзы республикæйы скъолаты
ахуыргæнджытæ, полилингвалон ахуырады программæтыл чи кусы, уыдон, стæй
чингуыты автортæ æмæ ЮНЕСКО-йы кафедрæйы кусджытæ. 13-æм скъолайы
райдиан кълæсты ахуыргæнджытæ Габиаты Нино æмæ Хуыбецты Мадоннæ ирон
æвзагыл гом уроктæ скодтой нæ алфамблай дунейæ æмæ математикæйæ. Уый у
полилингвалон ахуырады ирон-уырыссаг хуыз. 4-æм къласмæ æппæт предметтæ
дæр ахуырдзаутæ цæудзысты иронау, хистæр кълæсты та уырыссагау.
Республикæйы скъолаты ахæм эксперименталон кълæстæ ис 37. Ныййарджытæй
бирæты нæ фæнды, сæ сывæллæтты уыцы къордтæм дæттын. Уымæ гæсгæ дзы
ахуырдзаутæ вæййы къаддæр.
Сæлбиты Иринæ, Дзæуджыхъæуы 13-æм
скъолайы директор: «Ацы полилингвалон ахуырад, мæнмæ гæсгæ, æвзæр нæу. У
хорз, уымæн æмæ уыцы кары сывæллæттæ сæ мадæлон æвзаг куы базоной, уæд
æй нал ферох кæндзысты, уый у йæ хорздзинад. Чингуытæ дæр ис, уæдæ
электрон чингуытæ дæр рацыд, уæдæ мультипликацион кинонывтæ рацыд ирон
æвзагыл, алцыдæр ис, æрмæстдæр хъæуы ахуыр кæнын, кусын ахуыргæнджыты».
Хъайтмазты Маринæ, Хæтæлдоны скъолайы
директоры хæдивæг, семинары архайæг: «Ацы полилингвалон системæмæ
Хæтæлдоны скъолайы рахызтысты 3 азы размæ. Нæ зæрдæмæ тынг цæуы уымæй,
æмæ кæд хъæуккаг сывæллæттæ хуыздæр дзурынц сæ мадæлон æвзагыл, уæддæр
сын системæ æххуыс кæны арфдæр базонын сæ мадæлон æвзаг».
