Сæрмагонд проект «Æппæт сывæллæттæ хъуамæ ахуыр кæной иумæ» æххæст кæнгæйæ, Дзæуджыхъæуы цæуы инклюзивон ахуырады фарстатыл семинар. Арæзт æрцыд инвалид-сывæллæтты ныййарджыты хъæппæрисæй.
Сæрмагонд проект «Æппæт сывæллæттæ
хъуамæ ахуыр кæной иумæ» æххæст кæнгæйæ, Дзæуджыхъæуы цæуы инклюзивон
ахуырады фарстатыл семинар.
Арæзт æрцыд инвалид-сывæллæтты ныййарджыты хъæппæрисæй.
Хуынд æм æрцыдысты психологтæ, социалон
педагогтæ, ахуыргæнджытæ æмæ ахуыргæнæндæтты разамонджытæ. Лекцитæ та
сын кæсынц Мæскуыйы психологон-педагогон университеты специалисттæ.
Абоны семинары сæйраг темæ у – философи æмæ инклюзивон ахуырады
методологи.
Фембæлды архайджытæ æрныхас кодтой,
ахуырады рæстæг цы зындзинæдтæ сæвзæрынц, уыдоныл. Ахсджиаг фарстайыл
нымад у уый дæр, æмæ фылдæр хатт сывæллæттæн бахъæуы саразын сæрмагонд
хицæн ахуырадон программæтæ. Уымæн та хъæуы цæттæ кæнын специалистты.
Ахæм семинартæ дæр ахъаз сты, инклюзивон ахуырады чи кусы, уыцы
ахыргæнджыты зонындзинæдтæ фæфылдæр кæнынæн.
Семинар цæудзæн 4 боны. Арæзт æрцыд
Мæскуыйы æхсæнадон организаци «Перспектива»-йы, Цæгат Ирыстоны
ахуыргæнджыты зонындзинæдтæ фылдæргæнæн иснституты, республикæйы ахуырад
æмæ наукæйы стæй экономикон министрадты æххуысæй.
Ахуырты кæронбæттæны Мæскуыйы психологон-педагогон университеты директор семинары архайджытæн ратдзæн сæрмагонд сертификаттæ.
