Ныронг арæндоны хайад пайда кодта зæронд аппаратæй. Бахъæуы, тыхст уавæры цы сывæллон райгуыры, уый улæфæнтæ байгом кæнынæн. Ахæм æххуыс «Русгидро» скодта сæрмагонд социалон программæ æххæстгæнгæйæ.
Ныронг арæндоны хайад пайда кодта зæронд аппаратæй. Бахъæуы, тыхст уавæры цы
сывæллон райгуыры, уый улæфæнтæ байгом кæнынæн. Ахæм æххуыс «Русгидро» скодта сæрмагонд социалон программæ æххæстгæнгæйæ.
Хортиты Алинæ райгуырд æнæнизæй. Фæлæ
дохтыртæ рахастой уынаффæ, цæмæй цалдæр боны фæуа, сæрмагонд микроклимæт
чи аразы, ахæм аппараты хуылфы. Алагиры арæндоны хайады у иунæг
куснæгарз, уый дæр зæронд.
Мсойты Ритæ, Алагиры районы рынчындоны
неонатолог: «Тыхст заман нæ фæхъæуынц, ноггуырд тыхстæй куы райгуыры, йæ
улæфæнтæ хорз куы нæ фæкусынц, йæ уæзд æр 2кл æмæ 500 гр къаддæр куы
вæййынц, уæддæр нæ фæхъæуынц».
Алагиры арæндоны ацы аз райгуырд 250
сывæллоны. Кæд дзы фæлтæрдджын дохтыртæ кусы, уæддæр зын у æнæ нырыккон
кусæнгæрзтæй адæймагæн æмбæлгæ лæггад бакæнын. Уымæ гæсгæ рынчындоны
сæйраг дохтыр спонсоры æххуыс бирæтæй агуырдта.
Цомайты Алыксандр, Алагиры районы
рынчындоны сæйраг дохтыр: «Чи нæм ис, уыцы аппарат у зæронд, кусгæ дæр
хорз нæ кæны æмæ ма иу хатт арфæ кæнæм «Русгидро»-йæн. Ног азы цæмæ
æнхъæлмæ кæсынц, уыцы хорздзинæдтæ сæ къуыхы бафтæнт».
Æппæты нырыккондæр медицинон кусæнгарз
равзарын компанийæн баххуыс кодтой Уæрæсейы сывæллæтты фонды
цæгатирыстойнаг хайады специалисттæ. Кувезæй фæстæмæ ма ацы арæндоны
хайад райста хъармгæнæн лампæ æмæ билитест кæй хонынц, уый.
Ацы æхсызгон лæвар «Русгидро» скодта йæ
профессионалон бæрæгбоны агъоммæ. Бафæндыд сæ цæмæй районы рынчындоны
лыггæнинаг фарстатæ сæ фæрцы чысыл фæкъаддæр уой.
Болæтаты Таймураз, «Русгидро»-йы
цæгатирыстойнаг филиалы директор: «Нæ разамынд ахæм фæндон рахастой,
фæкæсæм ноггуырдтæм, зæгъгæ. Уымæн æмæ нæ сомбон уыдонмæ хауы. Æмæ сын
нæ бон куыд у, уымæй сын æххуыс кæнæм».
«Русгидро»-йы компани ахæм æххуыс ныр
арæхдæр кæндзæн, уымæн æмæ йæ филиалтæ цы регионты ис, уым æххæстгонд
цæудзæн ног социалон программæ – æххуыс кæндзысты дохтырты авналæнтæ ног
медицинон кусæнгæрзты фæрцы фæрогдæр кæнынæн.
