Сгуыхт дохтыры рухс номы кадæн. Дзæуджыхъæуы байгом медицинон наукæты доктор, профессор Тотоонты Барисы номарæн фæйнæг.
Æнæниздзинадхъахъхъæнынады æмæ ахуырады раззагдæр архайджытæй иу, Тотоонты Барис стыр æвæрæн бахаста медицинæйы райрæзтмæ, фидæны фæлтæрты хъомыладмæ. Номарæн фæйнæджы автор у Уæрæсейы сгуыхт нывгæнæг, скульптор Тауаситы Станислав. Фæйнæг ауыгъд æрцыд Тотоонты Барис кæм цард, уыцы хæдзары къулыл, Дзанайы фырты уынджы. Скульптурæ байгом кæныны бар лæвæрд æрцыд Цæгат Ирыстоны паддзахадон медицинон академийы ректор Гæтæгонты Тамарæйæн, Дзæуджыхъæуы мэр Дзантиаты Сергейæн, стæй Федерацийы Советы уæнг, Тотоонты Барисы фырт Тотоонты Алыксандрæн. Мадзал арæзт æрцыд профессоры 80 азы юбилейы бон. Сгуыхт дохтыры æрымысынмæ æрæмбырд сты республикæйы хицауады минæвæрттæ, медицинон æмæ наукон æхсæнад, хиуæттæ æмæ хæстæджытæ.
Бæдуаты Ростик, Дзæуджыхъæуы ветеранты советы сæрдар: «Æз нæ хъуыды кæнын, æмæ цалынмæ æгас уыдис, стæй куы нал ис, уый фæстæ дæр æмгæрттæ исчи исты гуырысходзинад загъта Барисæй, уый стыр хъуыддаг у. Мæнæ ацы хъуыддаг чи рхъуыды кодта, уыдоны цæрæнбон дæр бирæ уæд, уымæн æмæ абоны хъуыддаджы аккаг лæг уыдис».
