Дины кусджытæ, уырнæг адæм æмæ центры сывæллæттæ бацæттæ кодтой спектакль «Золушка». Куыстой йыл мæйæ фылдæр æмæ сын тынг æхсызгон уыд, премьерæмæ бирæ адæм кæй æрбацыд, уый. Мини-театры къорды уæнгты рагæй фæндыд ацы спектакль сæвæрын.
Æвзонг артистты архайд се ппæтæн дæр уыд æхсызгон æмæ цымыдисаг. Алчидæр йæхи банкъардта аргъæутты дунейы.
Дины кусджыты нæхæстæм гæсгæ, ацы бонты Хуыцау адæмæн лæвар кæны йæ хорздзинæдтæ. Ацы сывæллæттæ дæр дзы фесты хайджын. Афтæ фæзæгъынц æмæ ацы бæрæгбоны, чи цы ракура, уый сæххæст вæййы. Зæгъæн ис, æмæ моладзандоны кусджытæ æмæ уырнæг адæм цы бæрæгбон сарæзтой, уымæй сæххæст кодтой кæйдæрты бæллиц. Сывæллæтты уырны – сæ алыварс кæй сты, чи сæ уарзы æмæ сыл зæрдиагæй чи ауды, ахæм адæм. Уый та дæтты ныфс.