Уæрæсейы Президент Владимир Путинæн æрæджы журналисттимæ цы фембæлд уыд, уым æм радтой фарста, цæмæй раздæрау зымæджы рæстæгмæ раздæхæм, фæлæ ацы фарста иу адæймагæй аразгæ нæу.
Уый хыгъд, цалынмæ депутаттæ сæ уынаффæ хæссынц, уæдмæ уал Дзæуджыхъæуы иуæй-иу скъолаты уроктæ аргъæвтой 9 сахатмæ. Ахæм фæткæй разы сты куыд скъоладзаутæ стæй сæ ныййарджытæ, афтæ ахуыргæнджытæ дæр. Рæзгæ фæлтæрæн зын у сæрдыгон рæстæгмæ гæсгæ цæрын, уæлдайдæр та талынджы сыстын æмæ скъоламæ тагъд кæнын. Ахуыргæнджытæ куыд бафипайдтой, афтæмæй скъоладзаутæ 9 сахатмæ къаддæр æрæджы кæнынц, стæй сæхи дæр хуыздæр æнкъарынц.
Плиты Зæлинæ, 43-æм скъолайы ирон æвзаг æмæ литературæйы ахуыргæнæг: «Райдиан скъолайы чи ахуыр кæны, уыдон-иу райсомæй раджы 8 сахатыл цыдысты талынджы. Ныр та 9 сахатмæ цæугæйæ цæуынц æдæрсгæйæ. Мæнмæ гæсгæ райсомæй фылдæр фынæй дæр акæнынц æмæ сæ ахуырыл дæр хуыздæрырдæм фæзынди, уымæн æмæ гыццыл сывæллæттæ уарзынц ахуыссын æмæ сахат кæй не рзылдтой уымæ гæсгæ цыдысты талынджы. Ныр та цæуынц рухсы æмæ уый сывæллæттæн дæр, стæй ахуыргæнджытæн дæр у хуыздæр».
