филиал вгтрк государственная телерадиовещательная компания “Алания”

Цалдæр уынджы дзы ныридæгæн фæзынд, нырыккон домæнтæн дзуапп чи дæтты, ахæм телыхъæдтæ æмæ цырæгътæ. Ног кусæнгæрзтæ электрон тыхæй ифтонг кæнынц сæрмагонд трансформатортæ.

Æрвылбон ам рад хæссынц «Алания – Электросети»-йы кусджытæ. Нырма уал ног рухсгæнæнтæ фæзындысты сæйраг уынгты, фæлæ куыстытæ цæуынц дарддæр. Ахæм цырæгътæ республикæйы иннæ районтæй иу ран дæр нæй. Алагиры районы администрацийы куыд зæгъынц, афтæмæй ногдзинад зынгæ фæкъаддæр кодта электрон тыхы хæрдзтæ. Къаддæр хардзгонд цæуынц горæты бюджеты æхцатæ дæр.