филиал вгтрк государственная телерадиовещательная компания “Алания”

Æрвылазон æмбырд сарæзтой Алагиры аргъуаны æмæ районы музейон комплексы кусджытæ. Алагиры аргъуан у, Чырыстон дины сæйрагдæр кувæндæттæй иу. Советон дуджы йæ бон уыд иннæ аргъуанты хал ахæрын. Фæлæ йæ фыдбылызæй бахызта зындгонд педагог, бæстæзонæг, тæлмацгæнæг Зæнджиаты Бæбу. Абон йæ ном хæссы бынæттон музей. Дины кусджыты хъæппæрисæй алы аз дæр арæзт æрцæуы наукон-практикон конференци. Ацы хатт дзы архайдтой Дзæуджыхъæуккаг æмæ Алайнаг архиепископ Зосимæ, Алагиры районы сæргълæууæг Хæдарцаты Руслан, ахуыргæндтæ, студенттæ, скъоладзаутæ æмæ республикæйы интеллигенцийы минæвæрттæ.
    
Конференцийы рæстæг музейы директор Черчесты Фатимæ Зæнджиаты мыггагæй цалдæрæн, æмæ æхсæнадон архайджытæн радта кады гæххæттытæ.