Ис дзы ирд уæлæдарæс, эскизтæ æмæ декорациты макеттæ æмæ театралон хызынтæ. Арæзт æрцыд театралон музейы, стæй культурæ æмæ дзыллон коммуникациты министрады иумæйаг проект æххæстгæнгæйæ.
Арæзт æрцыд театралон музейы, стæй культурæ æмæ дзыллон коммуникациты министрады иумæйаг проект æххæстгæнгæйæ. Оперæ æмæ балеты, стæй Дыгурон театры нывгæнджытæй уæлдаай ма дзы сæ куыстытæ сæвæрдтой Санкт-Петербурджы нывгæнджытæ Ольга РостростАйы æмæ Жанна Усачева, стæй мæскуыйаг нывгæнæг Хъулаты Аллæ. Уыдон бирæ рæстæг æмгуыстад кодтой Оперæ æмæ балеты театримæ.
Сæлбиты Аким, режиссер, УФ-йы аивæдты сгуыхт кусæг, РЦИ-Аланийы æмæ Хуссар Ирыстоны адæмон артист: «Театралон нывгæнджытæ сты ныртæккæ афтæ бæрзонд. Ныр театрмæ арæх нæ цæуынц, аивад фыццаг рæнхъыты нæй, æмæ нывгæнæг куы нæ скæна диссаджы нывтæ, уæд зын у кæсын. Нырты кадджытæ, Абысалты Ирий кæй скодта, уыдон. Йæ нывтæм гæсгæ, нырмæ сæ чи нæ федта, уый сæ уыны. Æз дæр сæ афтæмæй федтон. Уый диссаг нæу, æз нывгæнæг нæ дæн, фæлæ сæ афтæмæй уыдтон мæхи мидæг».
Такъоты Жаннæ, РЦИ-Аланийы театраон аивады музейы хистæр наукон кусæг: «Ацы аз министрад æмæ нæ музей иумæ æрхъуыды кодтам ахæм проект, æмæ цæмæй театралон нывгæнджытæн равдисæм сæ куыст. Цы уæлæдарæс саразынц спектакльтæм, цы декораитæ скæнынц. Актер цы фæлгон рахæссы сценæмæ, ууыл фæкусынц æрмæст режиссер нæ, фæлæ нывгæнджытæ дæр. Уымæн æмæ уыцы историкон дарæс, ууыл бæкусынц бирæ».
