Уæрæсейы йæ тыхы бацыд донорты тыххæй ног закъон. Нырæй фæстæмæ туг чи дæтдзæн, уыдонæн æхца нал фиддзысты. Уый хыгъд сын кæндзысты лæвар сихор.Ног закъон куыд фæбæрæг уыдзæн рынчынтыл æмæ дохтыртыл, уый тыххæй хатдзæгтæ кæнын раджы у, фæлæ уæрæсейаг дохтыртæ тæрсынц, донорты нымæц кæй фæкъаддæр уыдзæн, уымæй.
Ног закъон куыд фæбæрæг уыдзæн рынчынтыл æмæ дохтыртыл, уый тыххæй хатдзæгтæ кæнын раджы у, фæлæ уæрæсейаг дохтыртæ тæрсынц, донорты нымæц кæй фæкъаддæр уыдзæн, уымæй. Республикон тугдæттæн станцæйы кусджытæ та зæгъынц, цы адæм сæм цæуы, уыдон сæ туг æхцайыл кæй нæ уæй кæнынц. Фарон ардæм æрбацыд 7 мин адæймаджы, ацы азы райдианæй сты 300. Кадджын доноры ном та нæ республикæйы хæссы 1000 адæймаджы. Се ппæт дæр сæ туг радтой лæвар, зæгъы станцæйы сæйраг дохтыр Тамайты Мурат, фæлæ ног закъонмæ гæсгæ хъуамæ донортæн æвæрæм бæркадджын фынгтæ. Райдай кърупатæй æмæ суанг сырх йæугæфы онг. Закъонмæ гæсгæ туг чи радта, уымæн лæвæрд цæуынц льготæтæ, стæй иу фæлладуадзæн бон.
