Цæудзæн иу къуыри. Архайдзысты дзы Дзæуджыхъæуы æмæ Цæгат Ирыстоны районты ахуыргæнæндæтты минæвæрттæ.
Конкурсы ис 22 номинацийы, хаст сæм æрцыд 300 ахуырадон-иртасæн куыстæй фылдæр. Баст сты бæстæзонынад, культурологи, социологи, информатикæ, æмæ техникон сфæлдыстадимæ. Æппæты кæстæр кълæсты ахуырдзаутæн та дзы ис сæрмагонд номинаци «Наукæмæ къæпхæн».
Конкурсы уæлахиздзаутæ архайдзысты æппæтуæрæсеон конференцийы.
Ныридæгæн 80 æрыгон иртасæджы хорзæхгонд æрцыдысты форумы æвзист нысантæй.
Азиаты Кристинæ, Педагогон институты 5-æм курсы студенткæ: «Æрмæст нæхи республикæйы нæ уыдтæн уæлахиздзау, фæлæ ма уæрæсейы дæр. Стыр бузныг дæн ацы республикон конкурс кæй хъæппæрисæй арæзт æрцыд, уыдонæй».
Гæджиты Элимæ: «Мæ темæйы сæргонд у «Детские осетинские подвижные игры для девочек». Цæмæ равзæрстон уыцы куыст? Ныр нал хъазынц сывæллæттæ, фылдæр сбадтысты компьютерыл хъазыныл. Мæнмæ гæсгæ ацы темæ баххуыс кæндзæн, цæмæй сомбон сывæллæттæ ракæсой æмæ феной сæ фыдæлтæ цæмæй хъазыдысты, уый».
