Ивгъуыд къуырийы Паддзахадон Думæ фыццаг бакасты æркасти ног закъоны проектмæ. Уымæ гæсгæ регионтæн бар уыдзæн губернаторты комкоммæ не *взарынæн. Ног сæргълæуджыты равзарæн уыдзæн бынæттон закъондæттæг æмбырдты, Уæрæсейы президенты амындмæ гæсгæ.
Уæ зæрдыл уын лæууын кæнæм, фарон декабры нæ бæстæйы президентимæ фембæлды Цæгат Ирыстоны парламенты сæрдар Алексей Мачнев загъта, комкоммæ æвзæрстытæ æхсæнад дыууæ дихы кæй кæнынц, уый тыххæй. Ивгъуыд сабаты та уыцы хъæппæрисмæ сæ ныхмæлæуддзинад равдыстой парти «Уæрæсейы Коммунистты» республикон хайады минæвæрттæ. Дзæуджыхъæуы Уæлахизы фæзмæ æрбацыди 80 адæймаджы. Сæхи хонынц оппозици, сты Уæрæсейы коммунистон партийы ныхмæ дæр. Куыд зæгъынц, афтæмæй регионы комкоммæ æвзæрстытæ куы нæ уа, уæд уый халы адæмы демократон бартæ. Афтæмæй закъон Цæгат Кавказы республикæтæ цæхгæр хицæн кæны нæ бæстæйы иннæ субъекттæй.
