Ацы дæсныйад нымад у рагондæртæй иуыл. Зæрингуырды аивад фыццаг хатт фæзынд Грецийы. Сæ дæсныйады стыр æнтыстдзинæдтæ `фты Цæгат Ирыстоны зæрингуырдтæн дæр.
Гæбæраты Сосланы ювелир суæвын йæ гыццылæй фæстæмæ фæндыди. Каст фæци аивадон училищæйы ювилерон хъуыддаджы хайад. Йæ дипломон куыст куы бахъахъхъæдта, уæд æрбацыд Гуыриаты фирмæмæ, æмæ дзы кусы ныр 10 азы. Алы бон дæр ювелиртæ архайынц зынаргъ дуртимæ, алыхуызон хæрзаив дзаумæттæ скæнынц рубинтæй, сапфиртæй, бриллианттæй æмæ изумрудтæй. Цæттæ дзаумæттæ фенæн вæййы æрмæст Дзæуджыхъæуы экспозициты нæ, фæлæ ма уæрæсеаг æмæ дунеон равдыстыты дæр. Ныртæккæ зæрингуырдтæ кусынц скæсæйнаг мотивтæм гæсгæ коллекцийыл. Конд уыдзæн æвзистæй. Куыд нысан кæнынц, афтæмæй сæ ацы аз равæрдзысты фæсарæйнаг равдысты.
