Амонынц сæ туризмы, культурæйы æмæ аивады кусджыты цæттæ кæныны академийы минæвæрттæ.
1-æм сентябрæй фæстæмæ аивæдты скъолатæ кусдзысты ног программæмæ гæсгæ. Мæскуыйаг специалисттæ курсыты архайджытæн амондзысты йæ методикæ æмæ домæнтæ. Ахуыртæ цæудзысты лекциты, тренингты æмæ тымбыл стъолты хуызы. Курсыты фæстæ скъолаты разамонджытæн уыдзæн, сæ мæскуыйаг æмкусджытимæ видеобастдзинады фæрцы ныхас кæныны фадат. Ахуыртæ арæзт æрцыдысты Цæгат Ирыстоны культурæйы æмæ дзыллон коммуникациты методикон куысты æмæ специалистты зонындзинæдтæ фылдæр кæныны центры хъæппæрисæй.
Цогойты Таисия, Мызуры аивæдты скъолайы директор: «Мæскуыйæ нæм фыццаг хатт æрцыд ахæм делегаци. Уый нын тынг пайда уыдзæн нæ куысты. Цы программæтæм гæсгæ кусæм, уыдон алы 5 азы ивгæ кæнынц. Мах хъуамæ зонæм, Уæрæсейы куыд кусынц, æмæ нæ сывæллæттæ дæр хъуамæ кусой уыцы программæтыл. Нæ методикон кабинет тынг хорз хъуыддаг сарæзта, кæй нæ сæмбырд кодта».
