филиал вгтрк государственная телерадиовещательная компания “Алания”

Бæлццæттæласæн транспортмæ цæудзæн уæлдай цæстдард. Цæгат Кавказы Федералон зылды транспортмæ цæстдарæг управленийы, Дзæуджыхъæуы администрацийы, республикæйы паддзахадон автоинспекцийы æмæ фæдзæхстады фонды кусджытæ сарæзтой профилактикон рейд æмæ бæрæг кодтой, маршрутон такситыл æнæзакъонæй чи кусы, уыдоны. Кастысты машинæты техникон уавæрмæ, шофыртæм æмбæлгæ гæххæттытæ ис æви нæ, уымæ.

Рейды рæстæг æркастысты 30 маршрутон таксимæ. 3 шофырмæ дзы нæ уыд лицензи æмæ бæлцæттæ ласынæн бардæттæг гæххæттытæ. 7 машинæйы та дзуапп нæ лæвæрдтой техникон домæнтæн. Æгъдаухалджытыл сарæзтой протоколтæ.

Уымæй уæлдай ма 4 рапорты ныффыстой машинæты хицæуттæ рейсмæ рацæуыны размæ æмæ рейсы фæстæ медицинон цæстдард кæй нæ ацæуынц, стæй сæ машинæтæ ГЛОНАССы системæйæ кæй нæ сифтонг кодтой, уый тыххæй.

Иуæй иу шофыртæ куыдфæндыйы цæстæй кæсынц, машинæты цы газы балонтæ сæвæрдтой, уыдонмæ. Нæ сын бæрæг кæнынц сæ техникон уавæр.