филиал вгтрк государственная телерадиовещательная компания “Алания”

Ацы хатт Питирим Сорокины номыл æвзист майданы хицау, Уæрæсейы наукон академийы уæнг йе студенттимæ раиртæста, наркоманийы уидаг кæцæй цæуы, цы аххосæгтæ йын ис æмæ сæмæ куыд тох кæнын хъæуы, уый. Чиныджы презентацимæ æрбацыдысты ахуыргæндтæ, студенттæ æмæ æхсæнады архайджытæ. Байхъуыстой, монографимæ гæсгæ магистранттæ цы докладтæ скодтой, уымæ. Профессор йе студенттимæ æрзылд республикæйы æппæт хъæутыл æмæ йæ цæрджытæм лæвæрдтой цалдæр фарстайы, сæ дзуæппытæм гæсгæ скодтой хатдзæгтæ æмæ Мæскуыйы социалон-политикон иртæстыты институты рауагътой чиныг. Йæ тираж у 550 мин экземпляры. Чиныг пайда уыдзæн ахуыргæнджытæн, дохтыртæн, барадон кусджытæн, стæй наркоманийы фарста кæй тыхсын кæны уыдонæн. Дзуццаты Хасанæн ацы чиныг фыццаг нæу. У 29 монографион иртæстыты æмæ 300 наукон куысты автор.

Дзуццаты Хасан, социалогон наукæты доктор, профессор: «Уымæй фыддæр æлгъыст нæй æмæ сывæллон наркотиктæй пайда кæна. Хъуамæ адæм сæхæдæг бавналой ацы фарстайы профилактикæмæ. Афтæ     у наркоман цы сыхы ис, уый фæзонынц, фæлæ алчи дæр æнхъæл у æмæ ацы бæллæх уый бинонты не рцæудзæн æмæ йæ сыхаджы рис не мбары. Фæлæ тæссаг у наркомании, афтæ куы парахат кæна, уæд дзы нæ кæстæртæ дæр фæхъæзты уыдзысты. Æмæ адæм хъуамæ кæрæдзийæн æхуыс кæной, ныхас кæной фæсивæдимæ дæр».